ملتقى طلاب وطالبات جامعة الملك فيصل,جامعة الدمام - عرض مشاركة واحدة - تجمع لـ دفعتي الجميلة قبل نروح للمستوى الثامن (تعالوا)

فهد السويلمي · #1 2017- 5- 24

السلام عليكم ورحمة الله وبركاتـه

الحمدلله خلصنـا أختبارات ولله الحمد وبأذن الله جميعنـا نفرح بالنتائج

وبصراحـه مدري انا افرح أني خلصت اختبارات أو أحزن عشان راح ننقطع فتره مؤقته عن تجمعاتنا بالملتقى وقروشتنا بالورش ومن موضوع لموضوع ( صحيح كنا شايلين هم ومتقروشين لكن بالنهاية تبقى ذكريات ولها لذة جميلة )

وأشكر كل من ساهم بالورش ( الاخت فاطمه والاخت توت وام فجر وأم حنان ) < ابي احاول اتذكر اسم ولد بس والله عجز مخي يطلع اسم واحد ، الله يهديكم يالشباب ماغير جالسين فشلتونا < انا اولكم طبعا

أيه صح تذكرت ( ابو عبدالله ) الله يعطيه العافيه بس تراني للحين شايل عليك شوي

وتجمعاتنا ومذاكرتنا وقروشتنا كأننا أخوان وأخوات بـ بيت واحد ماكأن كل واحد بـ مدينه ودايم نتسابق لـ اي مساعده او شرح او خدمـه وهذا والله اللي يخلينا نحزن لنهاية الدراسه < لكن بأذن الله لنا لقاء الترم الجاي

تحسبوني خلصت ها ؟؟

لا باقي في عندي استفسار كالعاده ،

عندي خويي مستوى أول جديد وكان آخر اختبار له أمس الثلاثاء ، وهو كان يحسب الاختبار اليوم الاربعاء وللاسف راح عليه الاختبار دخل الملتقى كان يبي يذاكر وانصدم لقى دفعته منزلين انطباعهم عن الماده

يعني اللحين وش الحل له ؟ هل فيه حلول غير التقرير الطبي ؟ ياليت تفيدوني

ونفرض انه دبر عذر طبي ، متى يقدر يرفع العذر وكيف يعرف هل العذر انقبل او لا ؟

اي الحين خلصت

والله يعطيكم العافيه يـ دفعتي الجميلة