السلام عليكم ورحمة الله وبركاته
اخواني واخواتي مستوى ثاني الناجحين والمقبلين على مستوى ثالث
اول شي بعطيكم كلمة قبل اعطيكم نظرة عامة على المواد
صعوبة المادة او سهولتها انت الي تحددها
مو عقل غيرك
مستويات تفكير وفهم واستيعاب الناس تختلف
فلا تنفر من المادة او تتهاون بها بسبب نظرة كم شخص
لكن كل مادة اعطها حقها من المذاكرة حتى لا تخفق فيها
وان ذاكرت واجتهتد وصارت الاسئلة سهلة جدا لا تقول ليتني ما ضيعت وقتي
تراك ما خسرت شي بل زدت علم
بداية بعلمكم طريقه المذاكرة
اول شي لازم تبدء اول باول في حل المناقشات والواجبات والاستماع الى المحاضرات عشان تحدد صعوبة المادة وسهولتها بالنسبة لك وتحط لك ايطار عام ترسم فيه جدول مذاكرتك وكل مادة كم يبي لها وقت
ثاني شي تابع مع الدكتور كل محاضرة واذا شفت الدكتور ما يشرح بس يقرى من الملزمة تعرف بعدين انك ما ترجع للمحاضرات وقت المذاكرة والاستعداد للاختبار(مثل الاخلاق الاسلامية واداب المهنة-الانترنت والاتصالات-حاضر العالم الاسلامي)
واذا شفته يشرح تتابع معه وتشوف وشي المحاضرات الي يبغالها تركيز عشان ترجع لها والي تفهمها من اول مرة اكتب فهمك على الهامش
ثالث شي اجمع ملفات معاني الكلمات او شروحات وادخل على تجمعات كل مادة ونزل ملفات تنفعك
وترى المسالة سهلة جدا
ولا ترجع لاسئلة الاعوام السابقة الا بعد ما تختم كل مادة
لان الاجوبة يجي فيها اغلاط حقات الاعوام السابقة
واذا ما كنت ملم بالمادة ما راح تعرف الغلط
واخيرا خذ مادة عربي من مستوى رابع لازم تتدرج بالانجيليزي يعني 5مواد انجلش بمستوى ثالث راح تتعب
وفهم الانجليزي بالتدرج
انا اخذت حاضر العالم الاسلامي لاني ابي اتاسس صح بالانجليزي