قُل لي من دكتورك ؟ اقولك كيف هي المادة .
1- اداة مالية 2 : الدكتور السهلاوي / جدا متعاون وفي نهاية الترم يعطيك الزبدة بس لازم تكون انت متعاون معاه وتفهم المعادلات ومعنى الرموز لانه يضيف المعادلات مع مع الاسئلة وعلشان تقدر تطبقها ولا ماتستفيد منها شي لانها بتكون مجرد طلاسم قدامك اذا ماعرفتها.
2- تحليل احصائي : الدكتور محمد زايد/ شرحه ممتاز ومتعاون وركز على تبويب آخر ترمين مع الفهم والتركيز لانه ذكي يجيب بعض الاسئلة نفس السؤال لك يغير كلمة وحدة وتتغير النتيجة كاملة .
3- الاساليب الكمية في الادارة : الدكتور ملفي الرشيدي/ شرحه وسط وممل و لكن افضل مايميزه انه يكرر اسئلة الاعوام السابقة مع اختلاف بسيط في بعض الاسئلة ركز على تبويبات الاسئلة للأعوام الماضية بفهم بدون حفظ ارقام .
4- اداة التسويق : الدكتور بلالي / يتفنن في تدسيم و تصعيب المنهج علشان يحترمون مادته، وتوقع اي فقرة بالمنهج يجيب منها سؤال لازم تفهم وتركز على كل شي ، وبعد ماتفهم المادة كاملة ارجع لتبويبات الاسئلة حقته علشان تتعرف على طريقته واسلوبه واجعلها مراجعه آخر شي .
واي سؤال تحصله مكرره من اسئلة الاعوام السابقة تأكد انه مو متعمد يكرر لكن من كثر ماينوع بالاسئلة خلص بنك الاسئلة عنده واكبر دليل ارجع للتبويبات تحصل عدد الصفحات اكثر من صفحات محتوى المادة .
5- اساسيات البحث العلمي : الدكتور حسان الغربي / غير متعاون ويسد نفسك بالمادة اذا شفت حركاته واسلوبه بالمباشرات ويحاول يقلد الدكتور بلالي ومايكرر الاسئلة لكن المادة سهلة وبسيطه افهمها واحفظها وتتيسر امورك .
6- ادارة الموارد البشرية : الاستاذ عبدالله الجعفري / مافي اي شرح يعطيك ولايفيدك بشي لان نفس المحتوى يقراه لك قراءة فقط ومتابعته بالمحاضرات المسجلة مضيعه للوقت . ميزة المادة اذا انت موظف تستمع فيها لان تخص جوانب كبيرة بالحياة العملية . اسلوبه بالاسئلة ينوع بين الصعب والمتوسط والسهل لكن لازم تحفظ وتفهم من بدري المادة فيها كمية معلومات كثيرة ومتشابهه بالمعنى وتتلخبط فيها اذا ماتركز .
اعتذر عن الاطالة ... وهذا رأيي الشخصي اللي انا لمسته وشفته هذا الترام .
وفقنا الله واياكم لما يحبه ويرضاه ...