|
رد: قصة جملية او موقف محرج مر عليك او نكته ترددها دائماً ( دعوة للابتاسمة ) حتى صدور النتيجة باذن الله
جميل ياابو خالد موضوعك ممتع وخصوصا أنه جاء بهذا الوقت بعد التخرج ونهاية الفصل الثامن  عشان غيرنا يمكن لوقراء هالقصص يشوف فيها حافز لة لمواصلة الدراسة .
انا قصتي ياسادة كالاتي 
أنا عمري ماتمنيت اكمل الدراسة لكن سبحان الله تصير اسباب تخليني اكمل بدون تعمد مني يعني مثلا عناد في شخص او تحدي لوحدة 
بعد ماخلصت الثانوي طبعا ماكان همي ادخل الجامعة ولافكرة فيها وحتى نسبتي ماكانت عالية كنت جايبة جيد جدا فقط ودخلت الكلية ونقبلت بقسم تاريخ انتظام وهو القسم الي اخترتة لانة مافية اقسام كثير كانت دراسات اسلامية وتاريخ وانجليزي فقط لتخصص ادب والباقي للعلمي كنت اتمنى رياض اطفال او علم نفس هذا لو حبيت ادرس بالكلية الزبدة اذكر كانت اختباراتنا فيها مقابلة شخصية واختبار املاء وكانت الاملاء صعبة كلمات تحوي همزات كثيير والدكتورة ماتعيد لو ماسمعت الكلمة المهم جبت بالاملاء 97%  ودرست وبعد اول يوم دخلت في اكتئاب طووويل لمدة سنة كنت اكره اليوم الي اقوم فية للكلية  ومع هالحالة كنت ممتازة بالدراسة ومعدلي الفصل الاول كويس والفصل الثاني رسبت في مادة  كنت مبدعة فيها مستحيل كانت أحب مادة لقلبي وهنا عرفت معني الظلم سئلت الدكتورة وكنت انا متأكدة اني حالة فيها كويس قالت تحبين اخصم ايضا 5درجات طبعا هي ماسكة مواد ثانية  هنا انسحبت وجلست بالبيت ماسحبت ملفي ولاقدمت اعتذار جلسة سنة فيني قهر المهم واحد من اخواني حس فيني وغصب عني سجلني في معهد مهني دخلت وانا كارهتة  دخلت المعهد ونجحت بتفوق وبترتيب الثانية ومعدل 97:99 ممتاز مع شهادة شكر .
وبس خلصت السنتين ورجعت 8 سنوات ماعندي شئ اسوية بعدين نفس الاخو جنني على جامعة الملك فيصل قلت ابغى اسجل في اكاديمية الفيصل قسم ديكور مارضى قال بكيفك بس مالها قيمة قدام شهادةجامعية . وطنشت ماابغى اكمل وفي مرة وحدة بالعربي عايرتني بشهادة الثانوية قالت هذا حدك ثانوية وحاطة نفسك فاهمة او شئ زي كذا  طبعا هي خريجة لغة انجليزية راسبة سنة يعني تخرجت بجيد بعد 5سنوات  المهم عناد فيها وعشان ابين لها اني اقدر اخذ اي شهادة ابغاها اذا انا ابغى هالشئ والحين انا راح اتخرج وان شاءالله مع مرتبة الشرف وحالفة اسوي حفلة واصور الوثيقة واحط صورتها على الكيكة عشان تعرف الفرق بين مرتبة الشرف ونجاح بالدف  ونسيت اقول اني بالعطلة حقت المستوى السابع بعد الاختبارات اخذة ثلاث دورات ثنتين سكرتارية ودورة بالحاسب وحاليا مسجلة في اكاديمية لعلم النفس تعليم عن بعد وان شاءالله ابداء فيها بعد رمضان .gif "(269)") واعتذر عن الاطالة بس حاولت اختصر بقدر الامكان 
|