المشاركة الأصلية كتبت بواسطة لــوســي

وصلتي للسابع وتفكرين تحولين ؟!!

وعلى فكرة مادة مبادئ الأحصاء موجوده حتى لتخصص الأنجلش في أول سنه

يعني ماراح تستفيدين شي من التحويل غير تضييع وقتك وفلوسك

مادة مبادئ الأحصاء مو معقده ولاصعبه زي ماتتخيلين .. بس شكلك صعبتيها على نفسك وصارت لك زي العقده

اللي يبغالك تسوينه أنك تبدأين قبل الأختبار بشهر على الأقل وتكونين مشتريه الملزمه او طابعتها

تمسكين المحاضره الأولى وتشوفينها وتفهمينها وتكتبين ملاحظاتك على الملزمه ..وتعيدين الأسئله اللي كتبها الدكتور وشرحها وتحلينها لحالك عشان تختبرين فهمك

وتسوين كذا بكل المحاضرات وحده وحده .. وطبعاً في كل يوم محاضره واحده فقط

لأن مخك ماراح يستوعب اذا ذاكرتي ماده زيها في يومين ولا ثلاثه والا حتى أسبوع

ماراح تثبت المعلومات ..لأن الماده مو صعبه بس دسمه وتشبه الرياضيات مايصلح تتراكم معلوماتها في وقت قصير

بعدها تشوفين الكويزات وتحلين الأسئله انتي بنفسك لاتحفظين الأجابه الصحيحه فقط زي معظم الطلبه ..

وأوعدك انك راح تنجحين فيها اذا طبقتي هالطريقه