وعليكم السلام ورحمة الله وبركاته
مبروك النجاح لك نحن السابقون وأنتم اللاحقون
بالنسبة للمواد :
-الجدول أخذناه زي ماهو + مادة اللي حذفناها من مستوى ثاني اللي هي التذوق الأدبي وبعضنا التلاوة + مادة أخذناها من رابع ونصنا أخذ منظومة والنص الثاني لغويات.
-المواد العامة: ٣ مواد (الأخلاق الإسلامية وآداب المهنة للدكتور الجنيدان/ الاتصالات والانترنت / التذوق الأدبي)
الأخلاق الإسلامية: مادة حلوة ومن ديننا وحياتنا وحياة الرسول سهلة للدراسة والدكتور يجيب اسئلة من بين السطور، لازم الاطلاع على الأسئلة السابقة لفهم طريقة الدكتور.
الانترنت والاتصالات: تشبه تقنية المعلومات تبع مستوى أول لكن أقل منها بكثير والدكتور ميزته انه يكرر اسئلة لكن نصيحتي ذاكر المحتوى كامل.
التذوق الأدبي: مادة الدكتور الحقباني الله يسعده ذاكر المحتوى + اسئلة سابقة والاختبار فيه اسئلة للي فاهم ومركز والباقي سهل وواضح.
-مواد التخصص: ٥ مواد (التركيب اللغوي للدكتور الفريدان / القراءات والمطالعات للدكتور التركي / الاستماع والاستيعاب للدكتور آلن / الانشاء والتعبير للدكتور المحبوب / قواعد المنظومة النحوية للدكتور السيد)
التركيب اللغوي: نفس اللي أخذناه بمستوى أول وثاني بطريقة موسعة شوي واللي يتابع المحاضرات مع الدكتور ويفهم بياخذ الدرجة الكاملة والاختبار يكرر بعض الاسئلة.
القراءات: بتحسونها دسمة بس تحتاج شوية تركيز وفهم وفكرتها نفس مادة القراءة بس بتوسع شوي، الاختبار يعتمد على المعلومات اللي بالمحاضرات وفهمكم لها وترى سهل أما القطع بيجي ٤ او ٥ براقرافات وعليهم شوية اسئلة سهلة للي فاهم وطبعا من المحتوى ما جاب خارجية. الزبدة افهموا المحتوى.
الاستماع: مادة تعتمد اعتماد مباشر ع السمع ٥٠ سؤال كلها تعتمد على السماع، افهموا الدروس كلغة مو كقاعدة واحفظوا الريدكشن وان شاء الله تكون سماعات مركزكم كويسة.
الانشاء: مادة فيها من التركيب اللغوي شوي ومن القراءات شوي برضو فهم مع حفظ، فيها قطع وحدة منها تجي بالاختبار والباقي يكرر، بس مو كلها يكرر، باختصار فاهمين المادة بتحلون وانتو مغمضين.
المنظومة: مادة من النوع السهل الممتنع، مصطلحاتها الجديدة تخوف الواحد بس إذا حفظهم وفهم بيجيب الدرجة الكاملة، يعني حفظ وفهم والمحتوى قليل، ويكرر اسئلة بس يحوس فيهم عشان يبين الفاهم واللي لا.
نصيحتي:
لا تعتمدون ع محتوى مترجم نهائي، ذاكروا المادة بلغتها، بتلاقونكم وقت الاختبار تحلون تلقائي، وبنهاية الترم بيكون فيه تحسن واضح بلغتكم، وكل اللي طبقنا هالطريقة حسينا بتحسن وجبنا درجات حلوة.
بالنسبة للمحتويات أشكر بيسان من كل قلبي محتوياتها استفدت منها كثير جعلها للجنة لكن للأسف مو كل المواد بيسان بسبب تغير بعض الدكاترة.
وفالكم التوفيق