ملتقى طلاب وطالبات جامعة الملك فيصل,جامعة الدمام - عرض مشاركة واحدة - المناقشات الاسبوعية لماذا ياجامعة الملك فيصل

طالب مشاغب · 2017- 6- 13

اقتباس:

المشاركة الأصلية كتبت بواسطة أجـــود

الجامعه تقول اذا ماعجبتك الدرجه تعال صححها بنفسك

اذا انت صادق وكلامك صحيح ليش تسكت 32 درجه

وانت عارف ان الساكت عن الحق شيطان اخرس!

رح للجامعه واطلب تصحيح للمواد اللي الانظمه كانت سبب في نقصانك للدرجه

واذا قصدك عن المشاركات والواجبات وش معنى انت وراعين النسخ واللصق هم اللي يشتكون اللي يحلفون بتويتر عند العميد وبالاخير يطلع اجوبتهم اللي تفشل الله يعطيك العافيه والا حروف مكرره

هههههههههه انا عني ماطلعت الدكاتره انهم صح وعلى حق بالعكس اختبرنا 46 ماده فيه من يكرر وفيه من يسأل عن فهمك للمقرر وفيه من يسأل اسأله المقصد منها تعجيز الطالب ومن ناحيه الشروحات فيه من يشرح ومن لاتفهم منه كلمه في الشرح ومن يقرا الشرائح كما هي

انا كل كلامي عننا نحن الطلبه اذا اعطينا الماده حقها مافيه احد بيقدر يحرمك من حقك فيه ناس متخرجه ممتاز مع مرتبة الشرف الاولى هذولي ذاكروا واجتهدوا من اول السنه والا جالسين يصايحون مثلك!

اسمحلي انت وغيرك لكل مجتهد نصيب واذا الدكاتره فشله كم درجه راح تسلب منك درجتين ثلاث

نذاكر وقت الاختبار وبعدين نجلس نسبسب

خلصت ..هذا اللي طلع معاكـ
صراحة بغيت أفطر عليكـ لكن مشاركة لا تستحق عناء الرد ..
ثم استهديت بالله ..وقلت أتكرم وأعطيك درس في فنون الرد و الكتابة

أولا/ حدد الهدف من مشاركتك
هل هي رسالة توجيهية والا طقطقة والا استعراض والا فزعة..عشان تبني مشاركتك في إطارها المناسب.
خلنا نعيد قراءة مشاركتك ونفهم وش تبي توصل له ؟ أو وش تحس فيه ؟
يعني صرت تفحط بالمنتدى بس عشانك تخرجت ومدوفر بعد..
اركد فديتك يا عسـل .. ترى جاء في منزل التحكيم قوله تعالى (وَلَا تَمْشِ فِي الْأَرْضِ مَرَحًا ۖ إِنَّكَ لَن تَخْرِقَ الْأَرْضَ وَلَن تَبْلُغَ الْجِبَالَ طُولًا)

ثانيا/ فكر ثم إكتب يعني بالعامية خلك صاحي

ترى مشاركتك طفولية وسخيفة لدرجة السذاجة
والعبرة بالكيف لا بالكم ..فلـ رب كلمة قالت لصاحبها دعني
فلا ترفع عقيرتك في كل مجلس ..ترى تبان عيوبك

نصيحة أخ ومحب لكـ وزميل دراسة .. لا تكثر هرج ترى الصمت يستر عيوب كثيرة ..

وبعدين تراك شاق الشعيب يا الأخو..وشو شيطان أخرس

ترى للمعلومية ..معدلي 4.34 وهذا أخذته طقطقة بعد << طبعا بفضل من الله وقوته
والا ترى مشغول بالدوام بحكم إني مدير اقليمي << يعني مدير على مدراء وموظفين بس وش رايك بالهياط الفاخر

تبي أجلطك بعد .. تدري وش الصعوبة اللي واجهتها
ان الدراسة بالعربي..صدق ترى ..
أنا أفهم انجليزي أكثر من العربي وخصوصا الدائن والمدين لكن ما أوضح هالشيء للناس عشان يحسون إننا بنفس القدرات ونشجع بعضنا البعض ..
وهذا أقل شيء أقدمه لهم..

وسالفة الفريدان ..ترى قابلته مرتين أسافر له خط ثم أكمل لدبي سياحة
وبعدها في كل ترم ..أراسله من ايميل العمل والشخصي والجامعة ..وكل مرة يعاند
ومن كثر ما نتراسل ويرد على كل رسائلي ...شكله حفظ حتى توقيعي بالايميل

عموما لا عاد تحكحك بالزمل وأنت حويشي .. ترى كنت مشغول بالعمل وبنفس الوقت كنت أتصفح منتدى طلبة الماستر في الجامعات الاخرى وأجمع معلومات وكذا..
وقرأت مشاركتك على السريع ..فقلت أرد مباشرة قبل ما تصدق نفسك وتعتقد انك جبت الذيب من ذيله وعشان ما تقول استعان بالشيخ قوقل

ختاما/ ترى فيه هنا من هو أفضل منك ومني ..فـ تواضع وقل خيرا أو اصمت

تحياتي القلبـية لكـ.. ولا تزعل يا تاج رأسي ترى أحبك