المشاركة الأصلية كتبت بواسطة ممادو

وعليكم السلام ورحمة الله ................

طبعا هالسؤال ينم عن روح التفوق التي تنتابكي اتمنى لها المزيد من التوهج والاستمرارية
بالنسبة للمستوى الخامس فهو يعتبر اول المستويات التخصصية في مجال الادارة العامه ومن هالمستوى ستصبح جميع المواد تحتسب على ثلاث ساعات دراسية والى حدما ستكون المواد من هالمستوى ولحد اخر المستويات مواد تعتمد على الحفظ اكثر من الفهم ( مواد نظرية )

ومثل ما اشارت الزميله ان المواد وصعوبتها تعتمد بشكل اساسي على استاذ المادة وانا تأكدت من ذلك في المستوى السادس وفي مادة ادارة دولية كانت من المواد اللي يشتكون منها الطلاب اللي درسوها من قبل ولكن بفضل الله تغيير الاستاذ على دور دفعتنا وكان الله يعطيه العافيه سبب في سهولة المادة علينا

للأختصار هذا رابط المستوى الخامس https://vb.ckfu.org/f431

تقدرين تشوفين ملخصات الخاصة بمواد المستوى الخامس وتطلعين على خطط التفوق فيها واستطلاعات قبل وبعد الاختبار والدرجات المستحقه وكمان تقدرين تبدئين بدراسة المواد اللي تتوصلين الى صعوبتها بعد الاطلاع على ماسبق من الآن بواسطة الملخصات الموجوده



وكرأى شخصي اعتبر مواد المستوى الخامس كتالي :

1- مدخل محاسبة ادارية يبيلها شغل فيها تعاريف وقوانين لكن تعتبر اسهل من محاسبة مالية (المستوى الرابع )
2- ادارة سلسلة الامدادات طويله جدا (لاتعتمدين على دراستها في نهاية الفصل ) دراسة من البداية
3- السلوك التنظيمي سهل
4- الادارة الاستراتيجية سهله ( لكن الدكتور عقدها كثير هالمادة وكانت من اصعب المواد )
5- ادارة التفاوض وحل النزاعات سهله
6- نظم المعلومات الادارية يبيلها حفظ واجد لكن في المجمل سهله