الضيقة*اللي*دايم ( ن )*تالي*عصير
و ش حيلتي وردها*لا*تجيني
لا طال ظل العود حزت عشا الطير
كنها على سجن الحديد تحديني
يضيق صدري كل ما جت واسير
و*لا*يخفف سوج رجلي حنيني
لا حولنا مشراف ولا اقدر أطير
يا الله قسمت خير*لا*تبتليني
وعقارب الساعة توقف عن السير
ما كن بالدوحة سواتي حزيني
والعبرة*اللي*تاصل الحلق وتفيض
يا قربها لو قيل للي يا عويني
أمل شوف الناس ورد ومصادير
واللي يقول وشفيك كنه يهجيني
يعني على ما قيل من باب تصوير
لا حد أبي قربه ولا حد يبيني
أروح أدور خط مابه دواوير
ودور اللي هادها تهتديني
وأخذ مع الهاجوس سجة وتفكير
وارجع اللي فات بيني وبيني
واحسب ذنوبي وأدور لي تفسير
عساي ما قصرت في حق والديني
وعساي ما قارنت من ينفخ الكير
واللي يحمل المسك جعله قريني
يطري عليّ يوم الحشر واطلب الجير
معطى كتابي في شقيقة يميني
يطري عليّ صدقان كثر الدنانير
اللي تعاديني ليا كثر ديني
وراع الهروج*اللي*سوات المناشير
اصد عنه وأدري أنه يعانيني
الله حسيبه يوم عرض القوارير
والله حسبي من صواب (ن) متيني
وليا طرالي واحد (ن) كانه أصغير
أما أصغر بيومين وإلا تنيني
دريت*وش*قومي وعينت تفكير
الضيقة*اللي*من زمن تعتليني
حبه بصدري سالفت سر في بئر*
وكن الفواد يقول هذا زبيني
اشفق على علم (ن) يجي منه من غير
ما يسمع*اللي*سولفوبه ونيني
العام اجيهم من حساب المسايير
واليوم حال عداي بينه وبيني
يا كثرهم غيره لكن خبر خير
ما غير شوفه بالوجود يهنيني
رأيي كذا يا عاشقين الغنادير
ماله على وجه البسيطة وزيني
خطاي تعليق الأمل بالمدابير
ولين راح وشفت حقري بعيني
صبر(ن) جميل وخابر(ن) انها مقادير
والله على تخفيف حزني عويني
ذي حالتي لين تغاب الشمس واصير
معطى سراحي عقب ما ني سجيني
وليا امتلآ جوف الشجر بالعصافير
طلبت من رب العباد يهديني
يعتقني المذن عقب ضيقت عصير
اللي على سجن الفراق يحديني
محمد بن فطيس المري
اعصار المشاعر