بعد موافقة مشرفتنا ريمنقو والله يجزاها خير ما قصرت
ودنا أول موضوع نتكلم فيه الفئة ذيك اللي أول ما تسجل دخول للمحاضرة المباشرة ترفع يدّها؟!!!
طيب اصبروا شوي خلوا الدكتور يبدأ بالمحاضرة ويفضفض لنا ما يجول في خاطره وبعدين ارفعوا أيديكم
بشويش علينا يالدوافير
لا .. وما يقهرك الا ذيك البنت اللي ترفع يدها وبعدين تحط الحالة بالخارج
يعني بالله عليكم وش علاجهم ذولا الأشخاص
فيه فئة ثانية إذا دخلت حطت علامة ( صح ) تحسب إنها إذا ما حطت صح ماراح يسجلونها حاضرة
الفئة اللي قبل الأخيرة اللي تستظرف على الشات وتكتب لك كلام ماله داعي أو ذيك اللي تكتب طفششششششششششش
يا عساك منيب قايل وش .. استحي على وجهك الدكتورة راح صوتها من الشرح وانتي كاتبة طفش
الفئة الأخيرة هذاك الشي الكائن الغريب اللي ينام كل المحاضرة وتقوم آخر عشر دقايق وصوتها رااايح ما ينسمع وتقول بالمايك
دكتورة دكتورة دكتورة دكتورة وانا ارفع صوت السماعات على الآخر لاعتقادي إنها بتسأل سؤال خطيــــــــــر مررررة
ويطلع سؤاها انسأل بنفس المحاضرة ألف مرة ألا وهو
دكتورة من وين نذاكر من الكتاب والا التلخيص؟!
الفئة اللي بعد الأخيرة ذاك الكائن الحي المذكر اللي يطلع قبل نهاية المحاضرة بربع ساعة يسأل نفس السؤال بكل محاضرة
الكائن الحي: دكتور عادي أطلع والا لازم أجلس؟
الدكتور: إقلس استفد من المحازرة
الكائن الحي: طيب عادي أطلع؟
الدكتور: عاوز تطلع إطلع مافيش موشكلة .. عاوز تقلس تستفيد إقلس
الكائن الحي: لا أبغى أطلع عادي أطلع؟
الدكتور: براحتك
الكائن الحي: يعني أطلع عادي؟
يا روح ما بعدك روح .. وش اسوي بهالكائن الحي هذا؟ أفقّع وجهه؟ ما يكفي
قال لك طسسسس وخلّ المايك للي بيسألون
