|
تدريب ميداني 2 والاكشن اللي صار لي تفضلوا
السلام عليكم جميعا الله يعطيكم العافيه على جهودكم وتعاونكم......
المهم ياطويلين العمر اقولكم سالفتي طبعا انا رحت مدرسه واخترتها واتفقت مع المديره والمرشده الطلابيه وعرفتهم على التدريب وان ابغى اتدرب عندهم باشراف المرشده وتمت الموافقه بس المديره قالت جيبي خطاب حلو
نجي للاكشن الحلو طبعت اوراق التدريب الميداني 2 ورحت للمديره قالت لا لازم خطاب من مركز التوجيه والارشاد ورحت الخبر قسم الارشاد هنا الاكشن الصح
داخله كلي ثقه ان باخذ موافقه وخلاص وطبعا ما خلو مكان ما قالو اروحه فوق وتحت ويمين ويسار حتى المخزن دخلته من الحماس والمشكله اضرب الباب بعد من الادب محد حولي هههههههه.gif "(269)") وارجع كان ماصار شي المهم واخيرا رحت للمعلمات قسم لهم واشرح لهم وقالو لا لالالالا اول تروحين الدمام وزارة التعليم تاخذين من هناك  انا بس سكت احس الدنيا تلف فيني عطيتها مشية حياة الفهد  اللي ميت لها ولد قلت ليه هالتعذيب انا موطالبه وظيفه ابغى بس موافقه وارجع كلي احباط وصدمه  وضيعت باب الطلعه بعد من التعب والجري اللي جريته
الزبده الحين لازم لازم لازم الدمام وخطاب موافقه تدريب لو ايش ؟؟؟؟
اول شي راح اسويه اكتب الصعوبات اللي واجهتني بصراحه تعجيز هذا من اولها اكشن
ياليت اللي خذوا الماده يشرحن وش سوو عشان يبدون التدريب الخطوات بالترتيب الله يعافيكم 
|