|
رأيي في مادة الاستماع listening
السلام عليكم ورحمة الله وبركاته
صبحكم الله بالخير ومساكم بالرضا والعافية 
بصراحة مو عاجبني وضع قسمنا في هالمستوى احس ما فيه تفاعل او نشاط كبير للأسف >>> ارجو انه ما يضايقكم كلامي لكن هذا الواقع 
عاااد قلت لنفسي بدال التذمر السلبي احاول اساعد باللي اقدر عليه  .gif "(204)")
بعد هالمقدمة ندخل للمهم 
المهم اني تابعت محاضرات مادة الاستماع والاستيعاب الخمس اللي نزلو إلى الان وفعلا احب اقولكم انها جدا مفيدة لنا كطلاب لغة انقليزية سواء كان مستوانا متقدم او كان للحين في البداية
الدكتور اسلوبه جدا سهل وواضح
بالنسبة للكتاب هالمادة احس انها اكثر مادة متسلسلة مع الكتاب المقرر والمحاضرة تغطي الكتاب صفحة صفحة تقريبا حتى الاسئلة الاستهلاليه في بداية كل chapter يجاوب عليها الدكتور ......
في كذا فائدة طلعت فيها من المحاضرات واقدر اقول انها جديدة علي اللي هي سالفة الـ stress في الكلمات
وايضا موضوع الـreduction يعني مو مرة جديد علي لكن فرق بين ان الموضوع يكون مجرد معلومة عامة تمر عليك او انها تكون جزء من مقرر دراسي عليه اختبار ودرجات 
واذا تبون نصيحتي تااااااااااااابعو المحاضرات كلها كاملة واي شي مو فاهمينه تابعوها مرة واثنين وثلاثة ولا تنسون ان الاستماع جزء رئيسي ومهم جدا في تعلم اي لغة بالعالم 
واذا في اي شي بالمحاضرات محتاجين انكم تسألون عنه ياليت ما تترددون سواء انا او غيري اللي حاس انه فاهم وعارف الاجابة اكيد ما رح يبخل بالاجابة ان شاء الله
في النهاية اعتذر مقدما اذا كان الموضوع مكرر 
وبس سلامتكم ......
|