|
رد: تقبلوآ كلامي بصدر رحب يا مستوى ثالث " أختكم قورجس "
فورجس
من مزعلها على الصبح
يالله صباح خير
بس دامك حاطه حرتك في البنات
عليك فيهم لا يوهقونا بأسئلتهم
العكس ذكية
بس حنا الطلاب إلى أمس أمورنا زينه
وراكدين الشباب فديتهم
ماعندنا ملاحظة إلا مع فريان المحاضرات المباشرة
محمد مداوي ( عضو معنا هنا )
الله يستر عليه أبو مداوي
هذا شكله جالس في مكتب عقار وإذا نط على المايك ما يفكه
أمس موتني من الضحك
مسك المايك يوم بدأ يتكلم
دخلوا عليه ضيوف نسمع صوتهم عن طريق المايك
ترك المايك شغال
وقام يهلي ويرحب بالضيوف
ياهلا ومرحبا تفضلوا تقهووا
القهوه
والدكتور يقول
ياولدي قفل المكرفون
وخلي المحادثات على التكست
وأبو مداوي مطنش ولا هو معنا
أتمنى ما يزعل من كلامي
لكن باين عليه وسيع صدر الله يوفقنا ويوفقه
بس من جد ترى إللي صار في مادة الصحة واللياقة
وغيرها من مادة لرفع المعدل
أغلب الناس تأخذ فيها +A
إلى مادة السقوط فيها بالكوم
هو السوالف هاذي
دعواتي
|