|
رد: موعد التقديم للدراسات العليا في جامعة الدمام لعام 1435هـ
اقتباس:
المشاركة الأصلية كتبت بواسطة ambitious girl
اهلا اختي novelist
عادي ربي يسعدك مافي مشكله تقدرين تردين علي هنا :)
انا بس كان استفساري اذا كانوا يشترطون للقبول ان يكون التخصص في البكالوريوس انجليزي كمان أو مايمنع اختلاف التخصص؟
الله يوفقك يارب ويسعدك ويرزقك ربي القبول وجميع المتقدمين والمتقدمات للدراسات العليا هذا العام اللهم آمين.
الله صل وسلم على نبينا محمد وعلى اله وصحبه اجمعين.
|
اختي لازم انجليزي تخصصها اللي راح تدرس ماجستير.
اقتباس:
المشاركة الأصلية كتبت بواسطة raaano
نوفيليست طمنينا عنج حبيبتي وهل سويتوا عرض وشرحتوا ؟
|
حسبي الله ونعم الوكيل
قسم بالله قهروني اليوم في المقابلة انا دخلت قريب الاخير مع اني اول وحده حاضرة وكلي ثقة انها مقابله عادية وواثقة من نفسي. وكل وحده تطلع ايش سألوك تقول عادي تكلمي عن نفسك وليش اخترتي هالقسم وايش راح تسوين بعد ما تخلصين. زادت ثقتي بس هذا اللي يبونه. عاد لما دخلت انا تحقيق كامل وعرفي وتكلمي عن وايش تعرفين عن اللغويات طيب عرفيها لنا زين. ايش كان بحثك في مشروع التخرج؟ شنو نوعة؟ ايش استنتجتي؟ ايش الكتب اللي قريتيها؟ كأن معلوماتك مو قوية في الادب؟ طيب انا مقدمة لغويات مو ادب مو لازم معلوماتي تكون قوية في الادب
كأنه امتحان شفوي ليش؟ لاني توني متخرجه هالسنة ولان عن بعد مو انتظام!!
هم 3 يسوون المقابلة وحده اللي في الوسط شحلاتها وكل ما قلت لها شي تنبهر عجبتها اما اللي على اليمين ملامحها مبهمة ماادري ايش تفكر فيه احيانا تبتسم واحيانا لا. ورئيسة القسم كلتني اكال كاني متخرجه من معهد مو جامعة عريقة. سألتني اسئلة ومابرحت مو مقتنعه ماادري والله ايش اقول . المشكلة تقول لي شكلك ما تعرفين شي عن اللغويات!! استغربت قسم بالله الحين كل هاللي قلته شرح وتعريفات وفروقات بين الانواع مو عاجبك اجل ايش اللي راح يعجبك. كل اسئلتها جاوبتها مع اني جاوبتها على ورقة الامتحان اللي اني اشك انهم صلحوها والا كان عرفت جوابي.
ولما قلت لهم اسامي الكتب اللي قريت رجعت قالت لي ماقريتي كتب طيب؟ مو مركزة الاخت قلت لها الا قريت وعددتهم لها مرة ثانية مع كتب حديثة والله لو اني مصورة لها المكتبه حقتي اللي في البيت ما راح تصدق لاني اشك انها قرت نص عددهم!! قسم بالله صرت احطهم في شنط من كثرهم . مو مدحا في نفسي والله من القهر بس وبعد هذا كله ارجعت بس توك متخرجة!!! طيب ايش اسوي لك اذا توني متخرجة؟!! ايش دخلك انتيا اذا قدمت الحين والا بعدين؟!! وزين دام ان فيه مشكلة كان ما قبلتوني من الاساس!!!
وكل هذا واللي زاد قرهي اني الكم البنات واسألهم ايش سويتوا فيه اكتشفت اني الوحيدة اللي كملت الامتحان الى الاخير صحيح سؤالين ما عرفتهم بس على الاقل خلصته بالتفصيل الممل بعد
والله ما ركتب السيارة الا وانا ابكي من القهر 
ان شاء الله خير. واذا ما قبلوني في الف جامعة برة تقبلني
|