في مصطلح في اللغة الإنجليزية يعبر عنه بالعبارة التالية
He pushed my buttons
وتستخدم للتعبير عن الاستفزاز
يعني لما أحد يستفزك وأحد يسألك وش فيك عليه، تقول
He pushed my buttons
الشيء المزعج في موضوع الاستفزاز إنك أحيانا تتفاجأ برد فعل الشخص اللي قدامك
يعني ممكن انك تتكلم في موضوع عادي جدا بالنسبة لك ولكن هذا الشي حرك شي مؤلم في الشخص اللي قدامك فتظهر عليه علامات العصبية والتأثر
ومن أكثر المشاكل حصولا في الحياة الزوجية تكون من هذا النوع
واللي يخلي المشكلة ما تنحل هو أن أحد الطرفين مو شايف أن هناك مشكلة أصلا
مثلا يواعد الزوج زوجته بطلعة وفجأة يغير رايه علشان يطلع مع أصحابه
هنا الزوج يشوف الموضوع عادي وإنه لو ما طلعنا اليوم نطلع بكرة، بس الزوجة تتأثر لأنها تتصور إنه يحب أصحابه أكثر منها
ودور الزوج هنا مو إنه يفكر نفس تفكير الزوجة، لكن يتفهم سبب زعلها علشان هي بعدين تتفهمه في أمور ثانية
مثلا لما الزوج يسوي شي غلط الزوجة ما تتردد في إنها تنتقد تصرفه حتى لو قدام أولاده وهي تشوف هالشي عادي لأنه عادي عندها لو انتقدت تصرفها حتى لو قدام أولادها، إلى حد ما طبعا، وعموما هي أكثر تقبلا للانتقاد
لكن هذا التصرف يستفز الرجل كثيرا، وتفهم المرأة لهذي النقطة عند الرجل يوفر عليهم الكثير من المشاكل
يعني كل واحد يعرف إيش يستفز الثاني
أو
What pushes the other's bottons