8
شكراً .. 
.
أهجرْك وأضماك وأرجع لك ولا أروى بك ** وأحرجك والروح جفّت والضما أحرجها !!
ليه أستحي منك وأوجاعي من أسبابك ؟!! ** مدامك أنشبت رجلي .. فأنت تخرجها !!
لو بعض ما صابني في سكـّـتي صابك ** كان الكرى مايجي عينك ويدلجها !!
أحيان تلتفّ رجليني وتتشابك !! ** وأعزم على فكـّـها .. وألقاني أنسِجها !!
العقل ويـّـاك والخافق على بابك !! ** جسمٍ بلا روح خطواته يدرّجها !!
لو تدري إشكثر أنا أستحضرْك وأغوى بك ** تضحك !! وأنا أستنطق أشياءك وأهرّجها !!
يافاتني لو أكون أقرب من ثيابك ** ماترتوي منْك روح .. ربـّـي أحوجها !!!
لو ألتصق فيك دايم مثل جلبابك ** ما أروى !! لو الروح كُثر الوصل يبهجها !
غلاك جرحي .. وبي جرحٍ من غيابك ** جرحين وين إنت عنها يا معالجها ؟!!
يابعد منهو قدح شعره وغنـّـابك ** قصايدٍ بالدما والدمع يمزجها !!
ما ينشغل عنك هذا الخافق إلاّ بك ** لا إشتدّ بي الشوق .. أجي سكّتك وأنهجها !!
أجيك أغنـّـيك شعرٍ يشبه أطيابك ** يفوح من أشرس الجرحين وأهوجها !!
أمـّـا قصيدة تجمّلني من أهدابك ** وإلاّ أترك الشعر .. لين الله يفرجها !!
.
.