|
رد: ايقونة حجزموعد استلام وثيقة التخرج
مساء الخيرات
اليوم الصبح رحت للجامعه وبعد كم مشوره اخذت وثيقة التخرج الحمد لله
ومره كانوا سريعين في اعطائي الوثيقه وتوابعها
وبالفعل مثل ما ذكرت الاخت الحظ العنيد الله يعطيها العافيه ما كان فيه حجز موعد
رحت حسب عنوان ذكرته احدى الاخوات في المنتدى الله يوفقها .. لكن كان وصفها مو دقيق فتمشورت شوي في هالشموس والحر
لكن تعتبر ما قصرت
والعنوان بشكل أدق هو
لما تدخلين بوابه 4 الي دائما ندخل منها في الاختبارات على طول تلاقيين على يسارك المباني القديمه للجامعه >> وهي المباني الي كنا قديم نختبر فيها قبل تحويلنا للمباني الجديده .. والمفروض دخلت منها لكن مشيت على وصف البنت ..
وحسب وصف البنت هو مبنى بعده على طول .. مكتوب عليه (أقسام الطالبات) لما تدخلين تلاقين على يسارك موظفة الأمن بتقول لك روحي يسار ثم يمين و بتلاقين البوابه على يدك اليسار .. بتلاقين ساحه وفيها المظله وراها مبنى (50) ولما تدخلين المبنى اسئلي عن غرفة (1035) وهي في السيب الي قدامك وانت داخله المبنى .. هناك يطلبون منك ..
1- (ورقة اخلاء الطرف ) الي بتكونين محملتها من موقع الجامعه وطابعتها وموقعتها ..
2- وتطلب منك الهويه المدنيه وتطابقها وتصورها وتدبسها مع اخلاء الطرف وتوقع عليها وتقول لك روحي بها الى ..
مبنى (35 عمادة التعليم الاكتروني) .. وهذا القسم للرجال فقط وقالت لو حتى السواق يودي الورقه ما يقولون شيء
فعلى طول أعطاهم زوجي الورقه وسلموه الملف ومحتوياته وما اخذ وقت مره كانو سريعين ..
وكثرت الكلام و الوصف لان ما بيكم تتوهون مثلي في المشوره بين مباني المدينه الجامعيه في هالشموس والحر
ومبروووك التخرج ومستقبل زاهر للجميع باذن الله 
|