والفجر والاطفـال وعيونـك السـود ** ما غيـّـرت سـود الليالـي طباعـي !!
لازلت الأوّل وين مـاروح موجـود ** شاعـر خيالـي عاطفـي واندفاعـي !
أضحك وأنا في قبضة الحزن مشدود ** وأبيـع حـب ومجتمعنـا صناعـي !!!
أمشي وأشوف الدرب بالعين مسـدود ** حتـّـى تجاهلـت الضيـاع بضياعـي !!
نسيت خوف ومـا تذكـّـرت منقـود ** فـَـلـّـيـت مـع ريـح التمـرّد شراعـي !!
هاتي كفوفك عمر الإنسـان محـدود ** خلـّـيني أنسى فـي دفاهـا صراعـي !!
ولا تزعلين إن عشت بالأرض مطرود ** ما للزعل فـي ضيـّـع البـدو داعـي !!
كنـّـا قضية مـا لهـا شـرع وشهـود ** متوقـّـفـة عنهـا جميـع المسـاعـي !!!
وصرنا دِبـَـش في برّ الأوهام مطـرود ** والويل !! .. لا مرعـى ولا فيـه راعـي !!!
لكن وحـقّ الخبـز والملـح والكـود ** قولى لنـَـزْر النـوم بالصـوت واعـي !!!
جينا غـزو شعـر وعصافيـر و ورود ** معنا سيوف الحـب مـوت الأفاعـي !!!
أمـّـا حيـاةٍ كلهـا سهـود ومـهـود ** ولاّ يصير المـوت مـوتٍ جماعـي !!!