|
رد: مَن أنــا , عبر عن نفسك بأبيات أو أشطر شعرية ..
الارض حدري ممحله تطلب الخير = تشكي من الحرمان عافت دهرها
من يوم ماغابت حديث المسايير =والقاع حدري جف مجرى نهرها
ان عودت ينبت بختري ونوير =وتطيب الريضان ريحت زهرها
الجادل اللي داخلي وضعها غير =الموت شفته يوم قفا ضهرها
ازعلتها في كلمتن دون تفكير =وراحت تشيل عتابها من قهرها
واخذت ادور للخطايا معاذير =كن الخطا عذراء وعذري مهرها
حبيتها حبن يفوق التعابير =واقفت وعيني تشتكي من سهرها
العش لامن هاجره مرقد الطير =تفقده اغصانن خلت وازدهرها
يكبر مع الايام من شفته صغير =والناس تنسا من بفعله بهرها
ماني معارض ماكتبته المقادير =لو ان قلبي حبها واشتهرها
يموت درب ولا تموت المشاوير =مثل الليالي موتها في شهرها
والليله اللي عذربتني بتقصير=انشهد ان الطيب نوره جهرها
من صغر سني ماحسبت المخاسير = ارقا وعذالي تموت بقهرها
|