قبل تحكي! أبحكي وأسمع شعوري
وإذا تسمح؟ أبتكلّم معاك شوّي!
بعد ماغبت وتمتّعت بـ حضوري ..
دريت إنّي معك ميّت ولاني حيّ ͏͏..
مثل ما لـ البطل موقف أنا دوري ..
أبيّن لك شعور الكُرْه .. دامه بيّ ..
كرهتك .. والسنين تعاتب شهوري ..
على أيّامي معاك ورعشتك في يدّي ͏͏..
نسيتك .. والغياب اصغر من غروري ..
ولا لك في دروبي بسمتين وضيّ ..
وعلى طاريك .. من داعيك لـ سروري؟.
دواعي هـ الحزن تكبر شويّ شوّي ..
͏͏يطيح الدمع من عيني على سطوري
اذا مرّيت فـ البال .. وذكرتك فيّ .. ͏͏
بعد كل هالكلام المُر.. وشعوري ..
انا اكذب .. وشكراً لـ استماعك ليّ.!