ღ ღ ღ


وشلون أحسّ إن العذاب اللي على متني ثقيل
وأنا أدري إن اللي تصبّرني على الحزن وصلت
ღ ღ ღ
معشوقتي لاضاق صدري من ليالي الحزن، ليل
ياكثر ماشربت معي من علقم الحزن وكلت
ღ ღ ღ
معشوقتي ما للفرح برجوعها يمي سبيل
إلا مثل ما للزهور من الربيع ليا ذبلت
ღ ღ ღ
معشوقتي من عمر جيل ومدرسة مليون جيل
معشوقتي رمز السنين اللي تجلّت وانجلت
ღ ღ ღ
اللي على كثر المصايب كلّ مافيها جميل
الناس لي كبرت تشين وذيك لي كبرت حلت
ღ ღ ღ
لامن تثنّت للهبوب .. تميّل اللي مايميل
وإن مالت عقول الخفاف من الرجاجيل اثقلت
ღ ღ ღ
كن الكلام بثغرها مجرى سبيل للسلسبيل
مسترسله لو ماضميت ولو ضميت استرسلت
ღ ღ ღ
تقبل على لون المسا لاجات مفتوله جديل
غصبن عن عيون النسا مايرمشن اليا قبلت
ღ ღ ღ
عشقتها لاني من اللي يعشقون المستحيل
صدّقتها .. لإنها لي قالت القول : افعلت
ღ ღ ღ
الترفه اللي تنطح الفريس وتفكّ الدّخيل
ما ف الرجال اللي حمل حزني مثل مااستحملت
ღ ღ ღ
لو كل خلق الله ملّو .. ماتملّ .. وماتميل
لان الرجال بهالزمن قلّو هذيك استرجلت
ღ ღ ღ
إن كان وقفتهم معي من باب مايُخدم بخيل
هذيك ماهيب وقفت جنبي .. هذيك تبهذلت
ღ ღ ღ
خانوا وهي ماخوّنت .. عالو وعيّت لاتعيل
تبدّلت كل الوجيه .. وذيك ماتبدلت
ღ ღ ღ
لانه ليا عزّ الرّجا .. ما للخليل إلا الخليل
ماقد قرت في محجري قصة عن الحزن وسلت
ღ ღ ღ
كنّ الذي يجري معي يجري مع الطرف الكحيل
اليا رضت ترضى عشاني وإن تزعّلت زعلت
ღ ღ ღ
تدوي بخفاقي دوي لين أحيت العشق القتيل
عشق بدويه لبدوي لاجت على البذل ابذلت
ღ ღ ღ
معها أعرف إني قوي .. حتى وأنا مافيّ حيل
وأعدّها بمية خوي كان الهموم استفحلت
ღ ღ ღ
دام الشدايد تكشف بصاحبك معدنه الأصيل
ليت السنين اللي حدتني للضياع استعجلت
ღ ღ ღ
الشدّه اللي تثبت إن اللي يـღـبوني قليل
ولا ضحكه بوجيه ناس لي تضايقت انكلت
ღ ღ ღ
بنت ليا منك وقعت تشيلك من القاع شيل
ابرك من وجيه الرجال اللي ليا طحت جفلت

ღ ღ ღ