الله يعطيك العافية غلى الموضوع الجميل والمفيد ايضا مثل ماقلت بالنسبة للطلبة والطالبات اللي مااخذوا الصيفي انا بالنسبة لي تهورت كثير وأخذت ٤ مقررات �� ثلاث منهم من نفس مستواي الرابع ومادة من المستوى الخامس وفعلا اخذت الصيفي عشان اخفف مواد وكنت متعشمة اني احصل على معدل لكن الحمدلله على كل حال وغلطت غلطة ثانية اني اخذت مقررات بدون مااطلع على الاراء في المنتديات.
الموارد البشرية
دكتور عبدالله الجعفري
مادة سهلة نوعا ما والاختبار متوسط أقرب الى السهل وفيه بعض الاسئلة من التبويب لكن بصفة عامة انا اشوف انه الدكتور ماقصر الله يعطيه العافية
فقه السيرة
الدكتور محمود صالح
مادة جدا سهلة وكلها عن سيرة النبي ص وعن غزواته والاسئلة كلها من التبويب جزاه الله خير ماقصر
ادارة التسويق
للدكتور احمد بلالي
مادة متوسطة الصعوبة وحتى الاختبار سهل لكن سبب لنا بعض اللخبطة في تكرار الخيارات.
اساسيات البحث العلمي
الدكتور حسان الغربي
وماادراك ما اساسيات البحث اسهل مادة لكن دكتورها اخس دكتور يجيب اسئلة من خارج المقرر ولا حتى تطرق لها في محاضراته يعني بالعربي يقول لك اتحداك تجاوب والخيارات كلها متشابهه كلها ماعدا كم سؤال مختلف وتكرار عجيب غريب بالإضافة الى الاخطاء الاملائية في الاسئلة واسلوب طرح السؤال ركيك جدا الى درجة ماتفهم ايش يقصد بالسؤال المهم انه انصحكم لاتاخذون هالمادة اخروها لين الله يفرجها يمكن يجيبون واحد محترم ويخاف الله.
واعتذر على الاطالة