تناوشني سهوم البعد وارحل في مدى التفكير …
وادور دربي اللي جابني والقاك قدامي
انادي في الهوى نسيان والنسيان مثل الطير …
كفخ واسدل جناحه وابتعد من بعد ما حامي
احاول في المشي لين انقطع حبل الرشى في البير…
يمين الضيم خانتني وانا المتالم الضامي
دروب الناس تفرق والاوادم تعشق التغيير…
من كفوف التجارب تكتب اقلامي عن اعوامي
على باب الكريم ياقف ضعيف الحال قبل يغير…
توسده الفقر واحلام عمره تشبه احلامي
يموت العذر في بعض المواقف لابدى التقصير …
مثل ما مات من يفرح علي لازلت اقدامي
يعيش البعض من حرب القرايب مشها وتسير …
حروب الجاهليه ماقضت في الدين الاسلامي
مادام الناس ضد الناس في حرية التعبير…
محد يملل سيوف القمع في حرية اقلامي
اذا عقلية الانسان ينقصها حسن تدبير…
يطيح الرجل مابين الخطاء والميسم الحافي
اذا كان الخطاء واضح ولا تملك معه تدبير …
تحملك الملامه لين يبرا جرحك الدامي
يثور المجتمع من كلمتين ولا عليهم ضير…
مدام الاحمق الجاهل يسير مجتمه نامي
يا دكتور المخدر لاتزود جرعة التخدير…
ترى رامي درس قانون وافهم لاتجي رامي