المشاركة الأصلية كتبت بواسطة Ebtehal.H

اللي تسأل سهل ولا صعب

مش بالسهل اللي ينشرب ولا بالصعب اللي مانقدر نعديه
حسيت انها دراسة عادية تشبه الباكلوريوس الفرق انهم ما يلينون شوي
ولا ينهزون لرجاوي البنات في التخفيف او الحذف او التحديد في المناهج
اما في البرزنتيشنات تقريبا كلللل المواد فيها برزنتيشن او بحث
وبعضهم بحث وبرزنتيشن واذا كان دكتور رجال غالبا ما يطلب برزنتيشن

موب الكل يتعاون في تقليص المنهج يحاولون يعطونك اياه كامل
ودائمًا عبارة (انتي دراسات عليا مش بكالوريوس) على لسانهم

اما الاختبارات
في دكاترة يفضلون المقالي مثل دكتور احمد مادة ادارة صف الترم الثاني
كل اختباراته هذرة ويحب نتفلسفين ما يحب الحفظ الصم مش دقيق كثير
لكن د هانم مثلا مادة علم نفس نمو الترم الاول تحب تنوع بين مقالي وموضوعي
وأسئلتها دقيقة شوي

لو بجلس أفصل كل دكتور ما راح اخلص ��
كل واحد له اسلوبه

اللاعمال والبرزنتيشنات في دكاترة يهمهم وقفتك وشرحك كمعلمة
بما انك تحضرين دبلوم تربوي لهذا الهدف
وفي دكاترة اهم شي تسوين العرض وتقرينه من الشريحة ��

هذا اللي بجعبتي اذا في شي معين اسألوا ❤


وياليييت لو يتثبت الموضووع الكل يحتااجه