المشاركة الأصلية كتبت بواسطة fofo.doss

عليكم السلام

في بنات كثير يداومون من الدمام وبقيق يوميا بالقطار , الموضوع يكون يخوف بالبدايه بس بعدين تتعودين .

بالنسبه للحجز تقدرين تروحين المحطه وتحجزين , او عن طريق موقعهم على الانترنت وتقدرين تدفعين عن طريق نظام سداد .

طبعا في خصم للطالبات 50 % على قيمه التذاكر , تقدرين تورينهم جدولك الدراسي او وصل البريد الجامعي اذا كنتي لسى ما طلعتي البطاقه الجامعيه .

اذا كانت محاضراتك تبدا الساعه 7 ونص او 9 تقدرين تحجزين للذهاب على القطار اللي يمشي الساعه 5 من الدمام , اما اذا كانت تبتدي 11 او 1 في قطار يمشي الساعه 8 وربع .

اما للعوده اذا كانت محاضراتك تنتهي 11 وربع تقدرين تحجزين عالقطار اللي يمشي الساعه 12 وربع من الهفوف , اما اذا كانت تنتهي 1 فتحجزين عالقطار اللي يمشي 2 وكذا .

طبعا التخفيض يكون عالدرجه الثانيه بس , ولازم تاخذين معك بطاقة الاحوال حقتك او صوره من بطاقه العايله .

واذا وصلتي لمحطه الهفوف في باصات كبيره 60 راكب توقف على يدك اليسار اذا طلعتي من بوابه المحطه خاصه بطالبات جامعة الملك فيصل وكلية الاداب ,

انتي اسالي البنات او المشرفين وهم بيدلوك عالباص الخاص بكليتك .

و حاولي دايما تحجزلي قبل بوقت قبل لا تمتلي المقاعد , ويفضل قبل باسبوع .

واحيان يتاخر القطار فحاولي تاخذين ورقه من الكليه تثبت انك من بنات القطار عشان يسمحولك الدكتورات بالدخول حتى لو تاخرتي .

وشكرا .