|
الله يبيض وجه طيفك ليـا زار
ومضة مدخل
دامك معي / مالي ومال المخـاليـق
يـقفي بهم .. ريح الزمان وعجاجه
شفني.. بدونك كيف ينهشني الضيق
وشـوف إبتهاج الـروح يوم نتواجه
نص
عمراُ مضى .. لآ تلحـقـيـنـه حسوفه
دار الزمن وبحـبنا / صار ماصار
كلن تّخضع تحت رحمه ظروفـــه
وأصبح رهين لما تسـويه الآقدار
واللي كـتـب ربي علينا نشوقـه
والـخيره اللي ربك بحالنا آختار
آقولها لو الصـدر حّــل جوفـه
الموجع / المتحمي / الجارح /الحار
الحل : لايقصر حدينا طيوفـه
والله يبيض وجه طيفك ليـا زار
باقف على درب الرجا لين احوفه
واستدرجه لين يغدي بين الانظار
وأتحضنه قبل تغدي بي وصوفـه
لانه عوض وصلً عليه الزمن جـار
ولازال ظرفك والقهر كفّ شوفـه
عودي / وتلقيني على واهج النار
نعود و أيام الزمان مخلوفـه
ونسلى وكن اللي شكيناه .. ماصآر
آخر تلويحه
ضيقـت صدري بهالحكي يوم قلتـه
ليـتك كتمـت بصـدرك ولا تكلمـت
التعديل الأخير تم بواسطة (مشعلي) ; 2017- 10- 10 الساعة 06:01 PM
|