ملتقى طلاب وطالبات جامعة الملك فيصل,جامعة الدمام - عرض مشاركة واحدة

M-E-D-O · 2017- 10- 11

اقتباس:

المشاركة الأصلية كتبت بواسطة Turki201

المشكلة لما تناقش هذا الشخص وتقوله وش السبب يقولك ما ادري بس ما ابي الهلال يفوز طيب ليش يقولك ما ادري ؟؟ هذي الحركة ماشفناها في اقوى الدوريات تعصباً وهو الدوري الايطالي وشفنا جميع الطليان لما كان ممثلهم في ذا الزمن اي سي ميلان يمثل وطنهم وما كانو يشجعون الخصم
اما عندنا اضع علامة استفهام كبيرة على هؤولا الي مستحيل يكون رياضي ومع الخيل ياشقرا

شرفني مرورك العطر اخوي مطنوخ

انا والله كان عندي كذا سؤال ببالي

بس استوقفني ردك هذا .. واستغربت يطلع منك
هو بالاخير رأيك .. لكن استغرابي كان بسبب ردودك في الملتقى بشكل عام

...

اللي فهمته من كلامك 3 اشياء وبما انك في كرسي الاعتراف اتمنى توضح لي أكثر وتتحملنا

:

1- يشجعون اي فريق ضد الهلال بغير سبب، هل انت مقتنع ان فيه احد يشجع ضد الهلال بدون سبب؟ او الاسباب ما تعجبك؟ او تعتقد ان الاسباب غير مبررة لتشجيع غير الهلال ؟

2- ذكرت ان تشجيع نادي ضد نادي الوطن لا يوجد في اوروبا وضربت مثال في ايطاليا مع ان اللي شفناه ان كل مشجعي الانتر وروما ونابولي ولاتسيو وتورينو كان يشجعون الريال في نهائي الابطال ضد اليوفي مثل ما شفنا بكل الصحف العالمية وحسابات التواصل
وما كان فيه من الاندية الكبيرة في ايطاليا الا جمهور ( الميلان ) نصهم كان يشجع اليوفي كرهاً في الريال لأنه منافسهم الاوروبي وليس حباً في اليوفي، وهذه الظاهرة موجودة في كل العالم فقط جمهور الهلال يرفض تقبلها

وهذه بعض الصور من احتفالات الاندية اللي ذكرت لك، واذا حبيت تستزيد راجع قوقل او تويتر وما راح تخلص

وهذه معلقينها على بيت بوفون وكاتبين شكراً ريال

3- ذكرت في اخر حديثك انه مستحيل يكون رياضي ومع الخيل يا شقرا، فهل الأخ العزيز تركي يعتبر ان أي شخص لا يشجع فريقه خارجياً شخص غير رياضي ومع الخيل يا شقرا ؟

اتمنى ما اثقلت عليك