يقولون لي ضآقت وأنا أقول مفروجه
وعندي يقين إن الله اللي يفرجهآ
خيول الأمل عندي على طول مسروجه
ونفسي تفآؤلهآ مع النآس يبهجهآ
لو أن الحآل قآسي والآوضآع محروجه
عسى الله علينآ مآ يضيق مخآرجهآ
لقيت الصبر ينفع مع الضيق منتوجه
بصبر عليهآ بالمسآير وأدرجهآ
وأبـنهج دروب دوم بالطيب منهوجه
دروب النشآمى اللي على العز منهجهآ
أدآريك يارآسي عن الميل والعوجه
مآأبي النآس لآشافتك تكثر لجآلجهآ
يارآسي تسآمى وأترك اللآش وهروجه
مآدآم إنك دروب الفخر تسلك أبلجهآ
فضآ الله وسع لسآلكه وأسلك فجوجه
هو اللي لخير الخلق سهّـل معآرجهآ
أنآ خآبرك مآتقبل علوم ممجوجه
تنقى خيآر السآلفة قبل تهرجهآ
توكل على ربك ولو ضآع مفروجه
هو اللي يضيقهآ هو اللي يفرجهآ