ملتقى طلاب وطالبات جامعة الملك فيصل,جامعة الدمام - عرض مشاركة واحدة - مشروع التخرج مشروع التخرج عند مجذوب رحمة الله العامر

reaching higher · 2017- 10- 27

اقتباس:

المشاركة الأصلية كتبت بواسطة aangelll

تاريخ اليوم 27/10/2017
1 / استغلال البرامج التلفزيونه للتعليم اللغه ( رفض من قبل الدكتور)
2/ً خصائص لشعر في القرن 20 ( مرفوض كمان )
3/ استراجيات اللغه (مرفوض)
4/ طريقة كاتبة المقال (مرفوض )
5/ مشاكل نواجها في التعليم اللغه انجليزي كا للغه ثانيه (كمان مرفوض)

عطوني حل انا الى الان يرفض الدكتور

شسووي احترت

اتوقع انرفضت لانها عامة جدا جدا.. بحاول اوضح لك المشكله بعناوينك.

1- البرامج التلفزيونية لتعليم اللغه (تعليم ايش بالضبط كلمات و لا كتابة ولا نطق ... وايش البرامج التلفزيونية حددي واحد ... و اذا بتجربين على اطفال .. من وين و اي سنة؟)
2-خصائص الشعر في القرن 20 ... اي شعر؟ لازم تحددين قصيدة محدده و تشتغلين عليها و من كاتبها و ايش خصائصها (اكتبي مثلا خصائص القصيدة الفلانية للشاعر فلان) ولو تتكلمين عن خاصية وحده او ثنتين واذكريها بالعنوان ايضا.
3- استراتيجايات اللغة ... بالنسبة لي حتى ماني فاهمة وش تقصدين؟؟؟؟ استراتيجيات في اي بالكتابة ولا القراءة ولا ايش .. واي لغة ...وايش الهدف من هالاستراتيجيات. وليش استراتيجيات مو وحده ولا ثنتين انتي ماتقدرين تتكلمين عن كل شئ و تعطينه حقه كامل.
4- طريقة كتابة مقال .. لاهو موضوع بالادب ولا اللغويات ولا الترجمة.
5- المشاكل في تعليم اللغويات ك لغة ثانية.. حدديها ايش هي .. ولاي عمر ... وتخص الكتابة ولا القراءة ولا الاستيعاب.

الله العالم بس اتوقع يا عزيزتي انك ماقريتي عن المواضيع هذي كويس عشان كذا عنوان بحثك عاااام جدا ... انتي لو مسكتي واحد من هالخمس مواضيع و قريت عنه بالنت بتضيعين من كثره تفرعاته و تجزيئاته.

بالنسبة لي انا .. اخترت رواية محدده .. يوم قريت عنها تخربطت من كثر المواضيع المتخصصة فيها .. مقالات كثيره جدا عن احداث القصة وتحليلاتها .. وشخصيات القصة ..و افكار القصة .. و نوع القصة .. واسباب شهرتة . واحداث صارت تتعلق فيها .. واراء النقاد فيها .. ايش مميزاتها عن باقي الروايات الاخرى لنفس الكاتبة .. ليش انشهرت بزيادة ..

وايضا لما عرفت ان لازم يكون فيه اداة للبحث .. كل اوراقي تغيرت حتى توجهي تغير مع انها نفس الرواية .. انتي لازم تستخدمين اداة بالبحث ويكون لها هدف من استخدامها ..مثلا استخدمي استبيان او مقابلة او مسح.
وانا اكتب المسودة من جد بغيت ارسل للدكتور بغير بحثي مع اني اخذت الموافقه على المقترح .. بس الحمدلله بالاخير حددت وش ابي ومشيت عليه.

حددي موضوع .. اقري ثم اقري ثم حددي ايش تبين تكتبين عنه بالضبط وكيف و ليش.
شوفي نماذج اللي قبلنا عزيزتي