السلام عليكم ورحمة الله وبركاته
اخواني بشرح لكم الخطوات الي لابد تمر عليها لاجل تاخذ تصنيف الهيئة
تاخذ شهادتك الاصل مع السجل الاكاديمي لفرع هيئة التخصصات يعطيك ورقة تدريب موجهة للشئون الصحية الي بمنطقتك بالتحديد لمركز التدريب بالمديرية يعطونك خطاب للموارد الذاتية لتحصيل رسوم التدريب وهي بمقدار 3000 ريال وذالك عن تدريب لمدة 3 شهور باي مكان تريده من المستشفيات فقط وتسدد الرسوم بالبنك وتاخذ الايصال وترجع لادارة الموارد الذاتية وتسلمهم السند وبعدها يعطونك خطاب لمركز التدريب بالمديرية يوضح فيه بانك سدد ويعطونك مجال تختار المستشفى الي تبي تدرب فيه .. بعدها يعطونك خطاب للمستشفى تسلمه للاخصائي الاجتماعي بالمستشفى ويعتمد اسمك عنده طبعا هنا الاخصائي يقولك اما تدرب معندهم او يقولك تعال بعد ثلاث شهور خذ مشهد التدريب وللاسف بعضهم يعمل كذا ويجبرك على ذالك بما انك ودك تدرب ولكن للاسف يرفضون بطريقتهم ..بعد ما تخلص التدريب تاخذ خطاب من المستشفى لمركز التدريب يفيد بان المذكور انهى تدريبه .. هنا يعطونك شهادة تدريب وتاخذ شهادة الانعاش القلبي وقيمتها 350 ريال وتاخذالاوراق للهيئة هنا حضر ( مبلغ 1340 ريال رسوم - صورتين - وثيقة التخرج الاصل مع السجل الاكاديمي - الخطاب الاول الي اعطوك الهيئة للصحة - تعبئة نموذج مكون من 8 صفحات - شهادة الانعاش القلبي ) هنا ياخذ منك هالاوراق الموظف بالهيئة ولما يتاكد من توفرها جميعا ينزلها بالماسح الضوئي ويرد لك كل الاوراق ويطبع لك ورقة فيها اسم مستخدم وكلمة مرور وبعد 24 ساعة تدخل على موقع الاختبار وتسجل موعد اختبارك هنا الحتوته مبلغ الاختبار 920 ريال ولازم تسددها عن طريق بطاقة فيزة فقط وبعد ما تحدد موعدك تنتظر الين يجي موعدك وتختبر طبعا انا وقفت الى هذي المرحة واختباري الثلاثاء الجاي باذن الله .. وبحاول انزل لكم الي اقدر عليه من الاسئلة باذنه تعالى .. اسف على الاطالة