2017- 11- 21
|
 |
متميزه في قسم المدونات
|
|
|
|
|
تغيرت واجد
حبيبي وصرنا للعواذل محط أنظار
وأنا نظرة العذال ماني بـ أواطنها
أحبك .. وخايف من غدر وقتي الغدار
ومن حَبّ مثلك كيف الأيام يامنها ؟
والأعذار تِرخص قدر الأحباب بالتكرار
وش الفايده بأعذارك إن ما تبرهنها
تغيّرت واجد .. ليه صاير غريب أطوار ؟
وعود الغرام الماضية وش بقى منها ؟
سلامك برد وين السلام القديم الحار ؟
تذكّر معي نبراتك أول ،وقارنها
مثل ما تشوف اللي لحقنا من الأضرار
يشمّت بنا الأعداء والأصحاب يحزنها
لا عاد إتّدارك حبّنا ، حبنا منهار
نهاية طريقه بيّنه لا تكهّنها
محبه يجي منها المعاناة بإستمرار
مع الوقت بدروب المفارق .. تعيّنها
ما والله بقى من بيننا شيء للتذكار
رخص فالنفوس اغلى العلاقات واثمنها
 
|