2017- 12- 5
|
 |
مُتميز في القسم الترفيهي
|
|
|
|
|
الرفيق
عجبتني وحبيت اشارككم اياها
احب الرفيق اللي ليا شافني زليت
يوضّح خطاي وكلمة الحق ترضيني
صريحٍ بوجهي يحترمني ليا صديت
ليا ضاقت الدنيا فزع ما يخليني
هذا والله اللي لا طرت سيرته فزّيت
وانا له رفيقٍ وقفته تبهج العيني
ولا احب شذّاب العراقيب لا قفّيت
رفيق الرخا والهرج ما دينه بديني
لسانه طليقٍ فالسوالف وفالتنكيت
ولا ينطح الواجب ولا يقضي الديني
تعلمت فالدنيا وميّزت من خاويت
من ربوعي الادنين والناس الاقصيني
حدٍ ودي انه يبني البيت جنب البيت
وحدٍ ودي ان القاهره بينه وبيني
تموت الرجال وتندفن ما يموت الصيت
عسى الله على درب الهدايه يقدّيني
يقولون تسلى في حياتك ليا غنّيت
واقول السعاده في صفوف المصليني
وانا في رجا الله واطلبه كل ما صليت
عن الناس واللي من ورا الناس يغنيني
Sent from my iPhone using ملتقى فيصل
|