اخس على تروفالد ( هيلمر ) الخسيس ابو خشم كبير اللي تمنذل بزوجته وخيب ظنها بعد ماوقفت معه بمرضه بس علشان برستيجه الاجتماعي لايخرب بسبب تهديد كروجستاد له
نورا الزوجه المخلصة المسكينه اللي اخلصت لزوجها وتسلفت وسددت وهو مايدري مراعاه لصحته لكن تمردت باخر المسرحيه وتخلت عن شخصيتها الانقياديه لزوجها تروفالد اللي برضو ابو خشم كبير
تبا ياكروجستاد اللي هددت نورا المسكينه بفضحها باعتبار ان الشيك اللي وقعته عن ابوها لاجل زوجها يعتبر مزور وذليتها فيه وطلبت منها تقنع زوجها يرجعك للبنك اللي بتنطرد منه واللي مديره زوج نورا مع انه مايبيك لانك مزور ولانك تكلمه بميانه بحكم انكم اصدقاء دراسه سابقين الين خرفنتك ليندي وقالت انها بتتزوجك وتخليت عن تهديدك
انسه ليندي جميل انك تزوجتي كروجستاد وفزعتي لنورا علشان يسحب تهديده مع انك متزوجه قبله واحد ماتبينه علشان بس تصرفين على امك واخوانك
دكتور رانك احسنت انك وصفت كروجستاد بالفاسد ولايمنع هذا انك انت مزهرية في ذا المسرحيه ودورك صغير جدا
هذا ملخص الشخصيات باختصار بس بالبلدي