ياقرة القلب مادري .. قرة الامنياتّ
الله ياذكرياتّ .. العام عيد الفطر
وشلون ابنسى غلاك .. وكيف يصبح شتات
وغلاك والقلب مثل .. الدايره والقطر
اصارع الشوق بعدك .. من جميع الجهات
واقول ياليت وصلك .. (مثل ذكرك عطر)
بين الأمل في لقاك .. وبين مافات مات
يجيبك الوقت ولا .. (يجيب ربي مطر)
وانتِ طريق الممات .. الممتلي مُغريات
القرب منك خطر .. والبُعد عنك خطر
في عيونك .. أمال عاشق وابتسامه حياه
ومن دونك الموت .. وسيوف السلوم تخطر
حبك حكايه كتبها .. الشوق والتضحيات
واخاف لا تصير نقطه .. (في نهايه سطر)
البارحه والحنيني .. ينرفز المفردات
مدري وش اللي على .. (بال القريحه خطر)
حاولت اسوي قصيده .. تستثير السكات
وطاحت دموعي على .. الطاري من اول شطر
مايذبح العاشق .. ويسترجع الذكريات
الا مكان اللقى .. ( والاغنيه والعطر)