انا حصلت معي قبل سنة ونص اختبار مالية ٢ كان عندنا دكتور جزائري توه اول ترم درسنا
قبل الاختبار بيوم قالوا ان الاسئلة تسربت طبعاً ما حصلناها سمعنا
والجامعة غيرت الاسئلة وكانت الاسئلة دمار ماقد مرت علينا بالرغم اني دارس وعند مدرس لكن الاسئلة كانت تعجيزية
الجامعة حسب الي اعرفه النموذج الثاني يكون اصعب من النموذج الاول وفي الغالب مايطلع الا اذا تهربت الاسئلة ويكون عقاب لهم على فعلتهم
حنا مانبي لا اسئلة اختبار ولا غيره نبي الدكتور يكون واضح في اسئلته وخياراته مايحطلك كل الاسئلة والاختيارات متشابهه مع بعض وخصوصاً اذا كانت اسئلة جديدة
حط اسئلة جديدة لكن خل خياراتك واضحة وسهلها ، الي مذاكر بيفهم الجواب حتى لو كان السؤال ماتكرر عليه من قبل ، نوع بأسئلتك من الصعب والمتوسط والسهل
لازم يراعون الجامعة اوضاع الطلاب الدارسين فيه من هو متفرغ وفيه من هو غير متفرغ ولديه مسؤليات حياة اخرى ، مانقول كرر الاسئلة كل الاسئلة لكن كرر بعض الاسئلة وبعض منها من اسئلة المباشرة والبعض من الواجبات
وبعض الاسئلة الي فيها خيارات وخصائص وفوائد كرر السؤال وغير الاجابات وحط اسئلة جديدة بكذا انت ماعطيت كل حق حقه كل واحد يجاوب على قد مذاكرته
اصبحت دراسة الانتساب اصعب من الانتظام وعلى الاقل طالب الانتظام متفرغ والدكتور عنده ويعطيهم اختبارات شهرية وعارفين طريقته بالاسئلة بعكسنا يقولك ذاكر من هنا ومن هنا وفالك a+ وبالاخير يمقلبك وتدور درجة النجاح هههههه
والله اني منغبن من اختبار اليوم
لكن نقول الحمدلله من قبل ومن بعد الامر صار والله يزينها ان شاء الله