"أحب الناس إلى الله أنفعهم للناس"
صبحتم/مسيتم بالخير جميعاً
مثل ماهو مذكور بالموضوع :
وش نصايحكم للدفعه الجايه وايش انطباعاتكم عن هالترم ؟
بالنسبه لي :
حصلت كثير من الأحداث هالترم , وصارت تعقيدات لكن لو جردنا كل التعقيدات , هاذي نصايحي لكم :
1- ماده فقه السيره هي افضل ماده لرفع المعدل لذى خذوها حتى لو تعارضت مع مواد ثانيه .
2- دكتور نظم المعلومات يفوز بأسوا دكتور (لايعرف يشرح , واسئلته ماهي مباشرة ولا هي مكرره ) لذى نصيحتي لكم عطوها وجه من بدري , لاتلقون عليها نظره بسيطه وتحسبونها سهله
3- ادارة ماليه يقولون انه دكتور متساعد , لكن مادري وش صار معه هالترم , يمكن بسبب استهبالات الطلاب معه بالمباشرة او بسبب المضايقات اللي جته بالايميل
لذى لاتطيحون باللي طحنا فيه , وخلوكم معاه رسميين , ولاتشغلونه واجد .
4- تقنية معلومات محتواه كثير ومتشابه لذى ذاكروها من بدري
5- محاسبة تكاليف : افهم القوانين وطبق على كثير منها , وان شاء الله بتكون الماده سهله
6- الاحصاء : الدكتور عكس النظم يفوز بأكثر دكتور متساعد الله يجزاه بالخير ويسهل عليه (يكرر الاسئلة بكل ترم مع اختلاف الارقام)
هذا كل اللي اقدر اعطيكم اياه من نصايح ,واهم شيء استعينوا بالله ثم عليكم بالأجتهاد
و فالكم التوفيق