بلاش كلمة صعبة وسهلة عشان مش نعسر على أنفسنا😅
في مواد محتاجه مذاكرة مرة واتنين وتلاتة وفي من مرة واحدة بس بتركيز هتعرفي تحلي اختبارها..
مثلًا المسرحية الحديثة وأسلوب د.الشناوي المعروف إنه بيجيب أسئلة مباشرة من النقاط الرئيسية مش من بين السطور، فبالتالي قراءة الملخص أو الاستماع لمُحاضراته مرة واحدة بتركيز + الاطلاع الكافي على أسئلة الأعوام كفيل بإذن الله بالامتياز💮
كذلك النظام الاجتماعي في الإسلام مادة حلوة وخفيفة وأغلبها معلومات خدناها في الثانوي، لكن لا يكفي قراءة الملزمة ويُفضل الاستماع للمُحاضرات لأني طبعت ملزمة حلم المشاعر كان ناقصها بعض الأشياء وفيها زيادات الدكتور ما ذكرها، + أسئلة الأعوام
لما بنقول أسئلة الأعوام تكون من أول ترم درسه مش التركيز على ترم مُعين😁
طرق البحث لازم لازم الاستماع للمُحاضرات، لأن أساسًا مفيش مُلخص كامل.. فاللي مش هيمسعها هيضطر يأخد من كل بحر نقطة من الملازم😁 واختبارها كان واضح لكن من شرح الدكتور
علم اللغة الاجتماعي كان اختبارها مُباشر وواضح والتكرار فيه قليل جدًا لكن اللي سمع للمُحاضرات بتركيز مع التتبع من الملزمة هيحل كويس جدًا بأمر الله🌸
النقد الأدبي على أد ما فيه كلام كتير بس تُعتبر مادة حلوة ود.فوزي كعادته بيكرر، لكن لو اتغير فمرة واحدة مُذاكرة لا تكفي أبدًا😅
الترجمة الإبداعية لـ د.حليمة كان اختبارها جميل ومُكرر وواضح والمادة أساسًا حلوة لكن محتاجه تركيز وفهم وحفظ، نفس نظام علم اللغة النفسي بس ديه اختبارها مكانش مُكرر كتير بس كان حلو يُعتبر
وبس😌💓
أهم حاجه وبنكررها في كُل مستوى.. المُذاكرة الأولية أحسن من اللي هيخليها تتراكم -زيي🙄- فيتزنق وميذاكرش كويس ويضيع درجات أسئلة سهلة🙄
كمان الانطباعات في الغالب مش بتساعد بالإيجاب بل بالسلب للأسف، فحاول نبعد عنها😁
وسلامتكم🌹