المشاركة الأصلية كتبت بواسطة sara..!

المشروع أمتع شي وأسهل شي بالنسبة لي من دخلت الجامعة ..
طبعا المتعة والسهولة يعتمد 80٪ ع الدكتور المشرف ، وانا حظي كان برضو مع الهويشل .. منتظم ويرد في اوقات معقوله نسبيا ، ومااعطاني ملاحظات ع مشروعي ، وافق بسرعه ع المقترح ، وكانت له ملاحظة وحده فقط في الفرست درافت وهي اني اكثف امثله ..
طبعا بما اني اخذته هالسمستر ف لسه مانزلت الدرجات ..
نصيحتي لكم : اختاروا مجال خياراته كثيره عشان في حال رفض الدكتور المقترح ماتحتاسون وبتكون عندكم افكار كثيره ..
اختاروا موضوع يمسكم بشكل شخصي او عشتوه او شفتوه ومن هالقبيل ، بيسهل عليكم صياغته بأسلوبكم وبيكون اكثر ترتيب .. واضمن لموافقة الدكتور ( مثلا خططوا ان يكون هالمقترح ان الله وفقنا رسالة للماجستير في المستقبل )

في ثلاث مواضيع للطلاب اللي سبقونا الله يجزاهم خير ، هي اكثر 3 مواضيع شاملة .. واكتفيت فيها ومشيت معها خطوه بخطوه .. اعتقد انها مثبته في القسم ، او بحاول اجيب روابطها ..

وبالتوفيق لنا ولكم جميع .. وان شاء الله بحط درجتي اذا نزلت

وأي سؤال حاضرين :)