وعليكم السلام ورحمة الله ..
الله يحييكم جميعا .. النتائج ماطلعت للحين طبعا. بالنسبة للبحث نفسه ودي اقولكم كلمتين زيادة عن ماتفضل به الاخوان قبلي.
انصحكم تأخذون فكرة عامة عن شكل البحث بقراءة بعض ابحاث الاعضاء السابقين اولا.
اختاروا اكثر مسار قريب لكم نفسيا من الان ( ادب, لغويات, ترجمة) --> الاسهل اللغويات لانه (تقريبا) نفس الخطة في كل الابحاث السابقة لكنه اكثر استهلاكا.
حددوا مواضيعكم الخاصة واقروا كثير عنها بالنت و ارسموا خطتكم (يعني ايش بتكتبون عنه بالضبط بالضبط). واللي بتقرونه وتستخدمونه بيكون اقتباساتكم في قسم literature review فأحفظوها عندكم بالمفضلة.
اكتبوا النقاط اللي تعجبكم في ورقة خارجية عشان ماتنسونها
فيه اول ثلاث اسئلة فعلا مهمه تحطونها ببالكم قبل تعتمدون موضوعك و ترسلونه (ايش الهدف من بحثي هذا ليش اسويه؟ .. اي اداة بأستخدم ببحثي (استبيان, مقابله, مسح ميداني) تخيلوه كأنه صدق مثلا اذا كنتوا بستخدمون استبيان مثلا ايش هي الاسئلة و من بسأل (عينة البحث يعني) ومتى بسأل وهل بستخدم مجموعة فقط ولا مجموعتين للمقارنة .. بالاخير ايش هي الفائدة اللي بكتبها لهم).
مشوا على التعليمات اللي موجودة بايقونة مشروع التخرج للقسم الانجليزي وامشوا عليه بحذافيرة.
عنوان البحث مهم ولازم يكون محدد بقدر الامكان (فية مواضيع ترفض مباشرة فقط بسبب العنوان عام جدا).
التزموا في المواااعيد.
اذا كتبتوا المسودة الاولى لا تنسون تدقيق الاملائي و علامات الترقيم وافضل برنامج هو قرامرلي grammerly.