السلام عليكم ورحمة الله وبركاتة
حبيت ابين لكم انا وش درست وانا ماكتبته مع عطونا انطباعكم يامستوى سابع
لاني حسيتكم تضايقتم وجتكم طاقة سلبية
حبيييت حماسكم مرررره عسى الله مايضيع لكم تعب ويارب يوفقكم ويسهل ما استصعب عليكم
علم اللغة النفسي
ماده جميله جدا تخليك تحس بنعمة اللغة هي ماتتكلم عن اللغة الانجليزية او العربية لا
هي تتكلم عن كيف احنا اكتسبنا اللغة يعني يوم كنافي بطن امنا وعمرنا 4 اشهر قدرنا نسمع بفضل الله
وان الدماغ هو الي يتم فية اكتساب اللغة واذا كان فية خلل في الدماغ ف الانسان ما راح يقدر يستوعب ايش انت قاعد تقول
المادة روعة
طيب ليش بعض الطلابي ماعجبتهم ؟
لانهم ذاكروا من اسئلة السنوات الي راحت
طيب انتم ايش المفروض تسوون عشان تجيبين فل مارك ؟
ذاكروا المادة مرتين او اكثر لان كل ماذاكرتوا كلما استوعبتوا
علم اللغة الاجتماعي
اهوا غير الاسئلة ولاجاب من اسئلة الاعوام الي قبل عشان كذا انطباع الطلبة كان سلبي
الصراحة اني ناسية وش كان حلي بس اتذكر اني طلعت مرتاحة الحمد لله
الترجمة الابداعية
ما اخذتها وبإذن الله راح اخذها معكم هذا السمستر
النقد الادبي
المادة طويلة تحتاج وقت كبير عشان تقدر تذاكرها
الرومان قلدوا اليونان والاوربين قلدوا اليونان
وبطتنا بطت بطن بطتكم :d
اسئلتة كانت من اسئلة الاعوام
طرق البحث والتصميم
شوي بتنحون وماراح تعرفون كيف تذاكرون لذالك شوفوا المحاضرات مع الدكتور
لان مافية ملخص مرتب لها
المهم المادة هذي سهلة جدا مافيها اي صعوبة او تعقيد
المسرحية الحديثة
يازين الشناوي الله يوفقة ويسعدة
مادته تهبل اول محاظرتين يبي لكم تشوفونها مع الدكتور عشان تستوعبونها وتحفظونها
اما باقي المحاضرات فهي تتكلم عن مسرحية بيت الدمية
هذي الله يسلمكم وحدة اسمها نورا متزوجة وعندها عيال وهي تمشي ع راي زوجها ومالها شخصية يقول يمين تمشي يمين
الا لين صحت على عمرها من موقف صار لها وقررت تتركت زوجها وعيالها
طيب ياترا وش سوا لها زوجها عشان تتركة وهوا الي مدلعها ويحبها
هذا ماسوف تتعرفون إلية بعد قراءتكم للمسرحية
وش رايكم بالشويق ;)
النظام الاجتماعي
مادة كلكم عارفينها بحكم ديينا وبحكم دراستنا في الثانوي لكن هنا بشل اوسع وأدق
يعني تتكلم عن الطلاق والزواج والطلاق الحلال والحرام
هي مادة سهلة بس يبي لكم تحفظون الاحكام
معليش انا كنت بأكتب لكم رأيي بعد ما اشوف النتيجة لكن لما شفتكم محبطين قررت افتح لكم هذا الموضوع
وهذا وصل الله وسلم على نبينا محمد