اولا حددي الفكرة!! وبعدين فكري بالميثود.
هل انتي بتحللين ابيات قصيدة .. او عن الشاعر وعلاقته بالقصيدة .. او عن themes او الستايل اللي بالقصيدة .... الخ
عن الرواية ما .. هل بتقارنين بين شخصيتين بالرواية مثلا ..تأُثير حياة المؤلف على كتابته للرواية .. او الحبكة او الفكرة ..الخ
الادب جمييييييل جدا وممتع .. لكنه اكثر متفرع جدا .
عن نفسي كنت بكتب بحث عن رواية معينة مشهورة (بحلل عناصرها).. ولما اكتشفت ان فيه تولز tools (عرفت بالوقت الضايع طبعا
) .. احترت شسوي لا استبيان ينفع!! ولا يمديني ادور موضوع ثاني.
قلبت البحث الى مقارنة بين تأثير فكرة الرواية .. كرواية مطبوعة و كفليم.
لاني اعرف الفيلم سابقا و الرواية قريت نسخة مختصرة واستخدمت اسئلة عشان اعرف ايهم افضل لتوصيل فكرة الراوي قرءة الرواية او مشاهدتها كفيلم؟
كان متعب لاني مالقيت ابحاث بالنت تتكلم عن الرواية بهالطريقة الا بعد جهد جهيد. (دكتوري كان مايدقق كثير فنوعا ما تجرأت وكتبته)
حبيبت البحث بس انا متخوفة من شغله وحده .. اخاف بيقولون لي (موضوعك خارج مجال الادب) لان فيه مقارنة بفيلم ..
عضوه هنا .. كتبت عن رواية غير معروفة و دكتورها رفض الميثود حقتها (استبيان) .. اعتقد ان فكرتها كانت جديدة فطلب منها ميثود جديد لتحليل القصة نفسها سوته بس ماادري وش انتهت عليه (دكتورها دقيق).
ان شاء الله بنزل البحث لما تعلن النتائج. وطلبت من against gravity تنزل بحثها بعد النتائج لاني متحمسة اشوف شغلها (حسب علمي بس انا وهي اللي كتبنا بالادب)
نصيحتي الحالية اذا تحبين الادب .. حددي وتكلمي عن شئ واحد فقط بالرواية او القصيدة و بعدين اقري بالنت ايش المثيود المناسبة لها.
انتي عندك وقت ان شاء الله (حتى لو تكتبين مسودة بحث من الان مايضر بالعكس بيساعدك تفرزين افكارك).
اقري عن اللي تبين وجمعي مصادر .. وبعدين اشوفي وش لقيتي و اكتبي بحث عنه (قاومي التفرعات اذا بديتي كتابة لاتطلعين برى عشان مايكبر موضوعك)
اذكر الدكتور مجذوب عامر قال .. المراجع اقل شئ 2 .. وهو يحب المختصر المفيد.. اذا طلع هو دكتورك لا تزيدين مراجعك عن 3 مصادر.. مع تعليقك الخاص عليها طبعا.