المشاركة الأصلية كتبت بواسطة reaching higher

صدقت اخوي فهد ..
نظرات تقليل القدر من بعض الناس (قاصدا اما غير قاصد) تقتل


ذكرتني بسالفة صارت لي قبل سنتين تقريبا
لما قدمت على دورة تخص العمل تحت اشراف جهة اخرى وكان من شروطهم ان شهادتك جامعية المهم اني قدمت بكل وجهة وسيع


لما قابلوني اللجنة كانوا ثلاث رجال و وحدة رئيستهم .. كانت الامور ماشية تمام وكانوا مبسوطين لاني عندي خبرة اصلا والانجليزي كويس عندي, فجأة قلبت علي رئيستهم وهي تقلب الاوراق كأني ذبحت لها احد.

قالت انتي ماتدرين ان من شروطنا ان تكون شهادتك جامعية ليش قدمتي؟
قلت لها قدمت لاني عندي خبرة اولا وثانيا انا ماشية بالبكالوريس حاليا. ----> كنت مضبطة وضعي مع هالسؤال

قالت انتي خالفتي النظام ليش قدمتي؟
انا:

بصوت اعلى هذا الدورة تخص الجامعيين. ليش قدمتي؟
قلت لها لاني ..... ابي .... ادخل .... هذه ..... الدورة

(شرااااااااار كهرباء كان يتطاير بيني وبينها, الموضوع قلب تحدي).


دخل الدكتور الله يجزاه خير على خط النار
قال درجاتك حلوه بالبكالوريس وش بتسوين بدراستك الجامعة اذا قبلناك؟ قلت بأجلها ترم
قال اكيد تبين الدورة؟ قلت اكيد.


المهم انه صرفني اخيرا,, وانا طالعة اسمع صوتها يلعلع وانا بعدعصبت (مسكت علي خط ليش قدمتي ليش قدمتي؟) احس الموضوع كان فية نوعا من التصغير ..
الدورة كانت 8 شهور وهي مثل شهادة تطوير الذات بمجال العمل وممكن يطردونك اي وقت اذا مامشيت فيها ,, ماادري ليش معقدين الدخول فيها؟

المهم انهم قبلوني بالدورة و جلست بين بنات البكالوريس الكريمات على نفسسس الطاولة و 4 بنات معهم ماجستير .. وابشركم نجحت بالدورة وتسلمت شهادتها


(حتى بالدورة لما يسألني اقولهم بكالوريس كذا تسكيته!!! يقولون لي اي تخصص اقولهم انجليزي .. يقولون صعبة عليك الدورة )


المهم ترى لا اهل البكالوريس ولا الماستر جايين من كوكب اخر .. لاتخلون احد يحطمكم انتم بس شدوا حيلكم وذاكروا ويمكن تطلعون احسن منهم بعد