3[SIZE="5"]السلام عليكم ورحمة الله
حياكم الله مستوى رابع ومبروك عليكم النجاح ..
وبما اني عديت مستوى رابع بتفوق ولله الحمد
حبيت اشاركم تجربتي في مذاكرة مادة اللغويات الخفيفة جدا على قلوب مستوى رابع !!!!!!
طبعا اكيد اخذتو انطباع عنها من المواضيع السابقة في هذا القسم
والكل يذم في المادة ويخوف منها ..
فيسعدني انقل لكم تجربتي معها بكل دقة..
انا زيكم قرئت انطباع الطلاب الي قبلنا وخفت من المااادة مررره
وصار عندي شك اني راح احملها اذا ما استعديت لها وتصرفت معها بطريقة مختلفة كليا عن باقي المواد في جميع المستويات الماضية ..
حيث اني لا ابدا في المذاكرة الا قبل أسبوعين من الاختبارات نظرا لانشغالي ، ولكن ذلك يكلفني وقت وجهد وضغط أعصاب ، ولكن النتيجة دائما مرضية ولله الحمد ..
ولكن مع مادة اللغويات عرفت ان هذه الطريقة تعني الرسوب فيها ..
فبدأت مذاكرتها قبل شهر تقريبا وختمتها ، ولكن كانت المفاجئة اني بعد الانتهاء منها وقبل الاختبارات باسبوعين وجدت نفسي لا استطيع التمييز بين التعاريف ولا بين حتى كل مصطلح واخر !!!!!
هذا وانا على قولتهم دافورة وطريقة مذاكرتي دائما تؤدي الى التفوق ؟؟
فعرفت ان هذه المادة تحتاج الى تعديل طريقتي في المذاكرة والا ستكون النتيجة سئية جدا .
سويت فرز لطريقة الدكتور في الأسئلة في الترمين السابقين ووجدت انه تقريبا يضع أسئلة على كل محاضرة ..
فقررت اني اضمن درجة النجاح على الأقل في الوقت الحالي .
فبحثت عن المحاضرات السهلة للتركيز عليها أولا .
وجدت المحاضرات الثلاث الأولى ومحاضرت اكتساب الأطفال للغة سهلة المذاكرة وسهلة التذكر ويختلف محتواها عن باقي المحاضرات .
ثم قررت التركيز على المحاضرات من الرابعة الى الثامنه فقط لا غيير .
يعني اصبح عندي تسع محاضرات فقط .
اربع منها سهلة وخمس دسمة وتحتاج للتركيز ..
احضرت كشكول محاضرات وقمت بتفصيل المحاضرة الأولى وكتابة المصطلحات بالانجليزي وجنبها بالعربي وفهمتها جيدا واحيانا اضعها على شكل خريطة ذهنية وكنت احفظها كتابة وانطقها بصوت عالي .
واتبعت نفس الأسلوب مع كل محاضرة بتركيز عالي .
اين كانت تكمن الصعوبة ؟؟
انك اذا ما تركز على معنى المصطلح وتفهمه وتربطة بكلمة معروفه لديك او بطريقة فكاهية لما تجي تشوفة في ورقة الاختبار مع الربكة وكثرة الاختيارات تتوووه لان المادة دسمة ومتشابه.
فضررروري انك تفصفص كل محاضرة بالعربي كمان يعني كانك بتشرح المحاضرة بالعربي غييب وكمان كل تعريف ليييييش ؟؟
لان الدكتوريلعب في الأسئلة على دسامة المادة وينقص الكلمات المهمة في التعريف ويشقلب المعلومة فاذا ما انت فاهم المصطلح وتعريفة بالعربي والانجليزي بتتوووه زي ما صاار مع معظم الطلاب ..
طبعا هذا كله لازم يكون من بداية الترم علشان ما يصير فية ضغط في الأسابيع الأخيرة وتتبخر المعلومات رغم تعب المذاكرة ..
الخبر الجيد ان الدكتور كرر في الأسئلة فضروري تذاكر أسئلة الأعوام وتحفظها هي بالذاااات حفظ بالعربي والانجليزي يعني تفهمها كمان لان زي ما قلت حتى الي يكررها يلعب فيها بس الإجابة نفسها فحرام تخسرها وتضييع عليك النجاح والتفوق.
ودخلت الاختبار وانا تقريبا مذاكرة تسع محاضرات اربع منها ممتاز وخمسة جيد جدا تقريبا مع أسئلة الترمين مذكرتها مرره ممتاز..
وطلعت من الاختبار فرحاانه مررره كانت الأخطاء تقريبا خمسة أخطاء اكثرها من المحاضرات الي ما ذاكرتها ، وكنت متوقعة اقل شيء اخذ a
ولكن كالعادة مع التصحيح كل ترم كانت النتيجة b+
نفس مادة الحاضر الإسلامي متاكدة من الفل مارك اخذت 96
الخلاصة :
الي يبغى ينجح بتفوق يبدأ المذاكرة من بداية الترم لكن طريقة المذاكرة للمادة هي الأهم ( التركيز وعدم التشتت )، والي يبغى بس درجة النجاح وقد تصل لجيد جدا يركز على أسئلة الأعوام ويفصفصها ويفهمها ويحفظها ولا يشتت نفسه بمذاكرت المحتوى كامل .
نصيييييييحة :
الدعاء ثم الدعاء ثم الدعاء في هذه المادة او غيرها بأن يسهل ربي مذاكرتها ويوفق فيها ووو.
لاني متاكدة انه اول سبب واهم سبب سهل عليه هذي المادة وغيرها من المواد ...
الشئ الثاني كمان سوى في هذي المادة او غيرها من المواد ومن خبرتي كمعلمة ..
ان كل سؤال فيه خياراات أربعة ، كل خيار من هذه الخيارات هو موضع سؤال ؟؟؟
يعني واحد من الخيارات بيكون الإجابة وثلاثة خطاء بس كل مصطلح منها يمكن يجيب تعريفة في الاترام القادمة اذا ما جابة في نفس الورقة .
فضروري تركز على باقي الخيارات وتذاكرها .
ارجو ان أكون استطعت توصيل المعلومة التي رغبت في مشاركتكم بها واي استفسار انا حاضرة ..
تمنياتي لكم بانجاح والتفوق في هذه المادة الجميلة.