ملتقى طلاب وطالبات جامعة الملك فيصل,جامعة الدمام - عرض مشاركة واحدة - مشروع التخرج الظلم اللي تعرضت له بمشروع التخرج وابي رأيكم ضروري قبل رفع التظلم

Against Gravity · 2018- 1- 11

اقتباس:

المشاركة الأصلية كتبت بواسطة om.raghad

السلام عليكم ورحمة الله وبركاته

اولا مبررروك النجاح ومنها للاعلى يارب
ثانيا حبيت موضوعك وانا ماقريته لسه كله بسبب كلامك عنه
شغفك عن الموضوع لحاله وصلني

ثالث شي انا نفسك تعبت بالموضوع اجتهدت ولغتي الحمدلله تعتبر ممتازه
ماخليت اي موضوع بالملتقى او بحث طلبه سابقين حتى مقاطع اليوتيوب ماخليتها
علشان اقدر اكتب بحث مميز من جميع النواحي وكانت صدمتي للاسف لما كتبلي
الهويشل بتعديل المسودة اني اضيف امثله على جمل الطلبه بعد ماتطبقي طريقتك في
التعليم .. لان موضوعي عن تعليم اللغه عن طريق الانستاغرام .. ضعت واحترت مافهمت
كيف يبغاني اسجل جمل حتى ماعلمني كيف اعدلها بحيث تكون صح
مخي تششت وجلست اكتب وامسح واعدل وامسح لما كتبت نتيجه ماادري اذا هي انقبلت او لا
وحتى لو مانقبلت وكانت خطأ .. السؤال هل الخطأفي كتابة النتيجه يعطيله الحق يبخسني حقي ويعطيني 85
يعني 15 درجه طارت بالهوا والسبب غير معروف

مشيت على خطة الموقع
سلمت البحث بمواعيده ماتأخرت لحظه بل هو اللي تأخر بالرد علي للاسف

ماادري وين المشكله مابقالي غير التظلم والقهر من ظلمه لي بالدرجه اللي ماوفتني حقي وحق تعبي ومجهودي اللي بذلته

اسفه اني طولت عليكم لكن من الغبنه قلت افضفض

وعليكم السلام ورحمة الله وبركاته
هلا والله بالغالية
الله يبارك فيك وألف مبروك لك انتي بعد
الله يسددك ويوفقك ويعوضك خير
موضوعي لانه أدب والكاتبة غير مشهورة هذا اللي حمسني له خصوصا ان ميولي أدبية
يمكن يكون بسيط و أقل من تافه بعد لايغرك كثر هذرتي من القهر

فكرة بحثك رائعه وأول مره تمر علي
أذكر بالمباشرة وحده من البنات سألته قال لها حطي أمثلة على النتيجة ولاشرح لها كيف
وقلنا له تأخرت بالرد مايمدينا نعدل قال اللي كاتبه بحثها بنفسها بأقل من ساعه تعدل

تضايقت من رده استفزازي
كلنا كاتبات بحوثنا بانفسنا المشكلة اننا ماندري وش نحط وكيف نعدل
ملاحظاته مبهمه شوي وقليلة
وبالنهاية درجات بالهبل راحت

أنا صراحه أشوف حتى لو بينقصك على الأمثلة بنتيجة بحثك مفروض خمسة وبس لان كل عنصر عليه 10 درجات
يعني 95 تقييمك
لكن مانقول الا حسبي الله ونعم الوكيل

حاسة فيك ياقلبي والله يعوضك ويعوضنا خير
تأخره بالرد لحاله شتت كل شي بروسنا

وحده من الاخوات الله يسعدها ارسلت لي بالخاص اليوم عنوان بحثها ورد الدكتور بسام على البربوزال
ماشاء الله عليهم دكتور قمة رد توضيحي مفصل وملاحظات لكل شي وبالعربي واضح حريص على الطلاب مهو أي كلام
وملاحظاته بس تقول على الاملاء اشياء اشوفها سطحيه لانه فاهم ان المشروع بس لمقياس تمكن الخريج من اللغة مهو رسالة دكتوراة

يمكن ان شاء الله بتظلمنا كلنا يرحمنا الدكتور الهويشل ويزودنا لو خميسة بس
نبي المعدل بس والسلامة هونا حتى عن الماستر اذا مشروع تخرج دخنا كذا شلون الرسايل
لعلها خيرة والحمدلله على كل حال
ربي يوفقك وين ماوجهتي ويكتب لك وجميع الزميلات والزملاء مايسعدكم ويبهج قلوبكم