|
رد: الشعور اللي تجاهك غير حروف القوافي
مبطي وأنا أدوّر لهالحزن سبّه
............. ولا لقيت لعسر الأيـام تفسيـر
~
عشان أذرّي فرحتـي عـن مهبّـه
............. وإلاّ أقول إنه جناحي وأنـا طيـر
~
الحزن مثل الما لو إنّي باشبّـه
............. و الموت بير وكلّنـا وارد البيـر
~
والعمر دلـوٍ والرّشـا بيـد ربّـه
............. ليا انفلت هالعمر يصبح على خير
~
ما نشف ريقـي وبضلوعـي مصبّـه
............. ولا ضميت وراويٍ دمعـي صغيـر
~
ويا كثر مـا وردٍ بصـدري تنبّـه
............. مسقيه حـزن وباذرتـه المقاديـر
~
و الشعر كان لجرح الأحزان طبّـه
............. ياما غرس في مهجة الحزن نوّير
~
هو سلوتي وأرتاح فيـه وأحبّـه
............. وألقى معه لفراق همّـي تباشيـر
|