مساء الخير اختي
سلامااااااااات وناخوك تقارنين البكالوريوس ب لغة انجليزي !!!
يابنت الحلال انتي على منجرف خطير ويمكن تخسرين جامعتك وتروح عليك البكالوريوس الي هي اقوى سلاح في هذا الوقت وناويه تزيدين العبئ على نفسك باللغه الانجليزية في اسواء توقيت ؟؟
ماقدرتي تخلصين جامعتك وانتي دوام بس بدون دراسه انجليزي وغير اشغال الزواج ومسؤولية بيتك وزوجك وعملك ... اتمنى ماتزعلين من كلامي احفظي اسرارك الشخصيه وناخوك واتركي عنك كثرة المواضيع الي ماراح تفيدك وتشغلين نفسك وغيرك ..وركزي على سمسترك هذا وحضري نفسك علشان تنجحين باذن الله ... انا لو في مكانك ولله ما اتزوج لين اخلص جامعتي ثم بعدها افكر باللغه والاشياء الي مقدور عليها ولاتقارن اي شهادة بحجم الباكالوريوس وندرتها وقوتها في تغيير مستقبلك من بعد توفيق الله ... وفي الاخير يجيك ابن الحلال مع كامل احترامي له الي معه دبلوم ويقولك اتركي جامعتك وادرسي لغه !!!
واختم كلامي في انك تفكرين بالجامعه الالكترونيه ههههههه انتي عارفه صعوبتها؟ وعارفه الكرف الي فيها ؟ وعارفه ان كل مقرراتها بالانجليزي ؟ وعارفه كم الي ندموا يوم حولوا من جامعة الملك فيصل الى الالكترونية وحفروا هناك وفشلوا ثم رجعوا ثانيه يحاولون ينقبلون في جامعة الملك فيصل .... اسف على الاطاله وانتي حره في اختياراتك لكن من باب ان الدين النصيحه ... و لوجه الله وهذي اخر نصيحه اكتبها لك وناخوك (احفظي اسرارك الشخصية وركزي على جامعتك لانك يمكن تصيحين بعدين اذا تركتيها ... ولاتنسين اني كنت واقف معك ايام ماكنتي في مقر الجامعه تتمنين الفرصه علشان تكملين ورفضوك وعقدوها عليك ونصحتك ترفعين الخطاب للعميد وتيسرت امورك بفضل ربي ثم عطوك فرصه ... وناويه تخربين على نفسك بالاخير ؟؟ وعلى فكره ترى مااذكر اني كتبت مثل كذا في اي منتدى بالسطور هذي ... وآتمنى اني اكون قدرت افيدك بالي هو افضل لك( وان اصبت فمن الله وان أخطأت فمن نفسي والشيطان)وبالتوفيق لكم ان شاءالله في زواجكم وحياتكم ودمتم برعاية الله