ملتقى طلاب وطالبات جامعة الملك فيصل,جامعة الدمام - عرض مشاركة واحدة

reaching higher · 2018- 4- 15

اقتباس:

المشاركة الأصلية كتبت بواسطة ابو حنونه

حسبنا الله ونعم الوكيل الله كان الله بعونك نربانو وارفعي تظلم وحاولي تصورين نسبة الاقتباس اللي طلعت لك في موقع الانتحال
انا كم مره اصلح واعدل مره نزلت نسبة الاقتباس واروح واعدل زياده وارتفعت وسويت اللي قال الدكتور وما نزل الا درجه وحده احس فيه خربطه هالموقع وآخر شي رفعته ..

الله يكون بعونك وييسر امرك ..
معذرة على الرد في تجمعكم بس من ما فيني

حسب خبرتي المتواضعه .. بنبهك على كم شغلة يابوحنونه.

1- اذا طلعت لك نسبة الاقتباس .. نزل الملف لجهازك وراح يبين معك وين اغلب الانتحال وبناء عليه عدل.
2- اذا كنت مرقم الصفحات كذا (page 1/10) مثلا غيرها .. خلها مثلا (page 1) فقط
3- اذا كنت كاتب اسم كتاب او عنوان موقع داخل النص.. احذفها واكتفي بأسم المؤلف الاخير مثلا تقول بناء على نظرة الفلاني فأن كذا وكذا .. ولا تنسى علامتين التنصيص (اسم الكاتب, سنة النشر)

بشكل عام اذا نسبة الانتحال اقل من 25% على رابط الجامعة فوضعك بالسليم (هالنسبة بتطلع عند الدكتور بعد) .. طبعا يفضل تكون اقل من كذا احتياط ..

لكن بعض الناس حريص يكون قريب من 1% وهكلام اوفررر مره .. يحسب كل ماقلت نسبة الانتحال كلما تحسنت درجاته ... .. ويخلي الناس تبذل مجهود وتركز على شئ ثانوي وتترك الاساسي. عشان كذا ينصدم لما يلقى درجة النجاح اقل من اللي توقعة ويقول ليش؟ انا نسبة الاقتباس عندي 6 ولا 7؟

نسبة الانتحال يطالع فيها الدكتور قبل يقيم بحثك .. اذا طلعت اكثر من 25 ترفض على طول قبل يقرى بحثك .. اذا اقل من 25 بيقبلها تلقائيا ثم يبدء يقيم شغلك ( نسبة اقتباسك 1% مثل 10% مثل 15% اي ماتفرق عند الدكتور)

لان درجات البحث من 70 ومقسمة على فقرات بحثك .. كل ماخلا بحثك من الاخطاء وتكلمت عن كل فقرة بالطريقة الصحيحة وغطيت عناصرها ..كل مازادت درجاتك.

الله يوفقك