المشاركة الأصلية كتبت بواسطة ابو حنونه

تسلم وتسلم عينك وعين ابوك يابعدي ... والله يسعدك جبت اللي بخاطري وابي افهمه للي حولي بس ماحد فهمني
فعلاً انا من الناس اللي احب هالفتره ايام الاختبارات مع اني اكون مظعوط بالمذاكره وشايل هم الا انها فعلا ايام جميله وكنت استمتع بالمذاكره فيها حتى اني لدرجة اني لين ذكرت ان هذا اخر ترم بالجامعه يظيق صدري بالحيل ودي اطول خاصة مع هالملتقى الجميل ,,
لكن زي ماقلت مادري وش بلاي هالفصل هذا ,, جلست في الدوام مره وكنت اطبع تعريف الجامعه حق الاختبارت وكان معي زميل في العمل وشافه وعرف ان تخصصي انجليزي وطار قلبه وروعني باندهاشه كاني باخذ الدكتواره .. وبعدها سبحان الله كل شوي اذكره الله يستر يحسب اني دافور والله يحفظنا وياكم ,,

وخلاص شكلي طفشت الموجودين بسواليفي لكن شكرا على ردك الجميل ابوقصي