|
رد: انطباعكم عن اختبار ادب اطفال الفصل الثاني 1439
يا عرب .. وقسم بالله وصلت للسؤال رقم 30 .. و استوعبت انه ما بقى الا عشرين سؤال و تخلص الاسئلة وانا لازلت انتظر بينوكيو ..
وييييين بينوكيو و جيبيتو و الجنية الزرقه والتونة و الصراصير و القطوه و الثعلب .. 
الله عليك يا بوزيد نص المحتوى رواية بينوكيو و ما جبت منها غير سؤال 
و المصيبة جايب أليس وانا حتى ما قريتها
نصيحتي للأجيال القادمة .. شوفوا .. عندكم 3 شهور اقرأوا فيها القصص كلها .. عندكم 8344545 قصة خلصوها قبل الاختبارات .. بيكون قطعتوا نصف المشوار ..
أسماء الروايات و المؤلفين اعملوا لها روابط .. ارجعوا لتجمعنا فيه اشياء كثيره رابطناها ..  ( ولا فلحنا بعد ) 
و بشكل عام .. بو زيد يكرر .. لكن!!! من خلال ما لاحظته حتى قبل ادخل الاختبار .. انه في كل نموذج يعطيك مجموعة اسئلة جديدة و مختلفة عن النماذج السابقة ..
بو زيد يجيب لك سؤال عن شي ما يخطر على البال !!!
و موفقين إن شاء الله ..
|