باقول اللي اخذتها هالمستوى باختصار
قواعد البيانات : مقرر اول ما تشوفه تقول كيف اذاكره .. لكن هو سهل جدا
هو ينقسم لقسمين جزء منه الى المحاضرة 7 نظري والباقي عملي .. نصيحتي تبدأ من المحاضرة السابعة الى 14
يعني تعكسها لان ف بدايات المحاضرات اسماء لمصطلحات بتكون غريبة عليك ما بتفهمها زين الا اذا اخذت الجانب العملي
الدكتور يكرر بالجانب النظري لكن كرسوم ما يكرر لكن افهمها وهي سهلة جدا جدا ، حط بعين الاعتبار ان الاسئلة ف الامتحان نصها تعاريف والباقي جداول ورسومات اللي هي تعتمد ع الفهم
.........
الادب الانجليزي عصر النهضة : اول ما تشوفها تقول اصعب مقرر ف الجامعة وفعليا هي صعبة من ناحية كثرة المعلومات
لكن الدكتور الله يسهل عليه اسئلته سهلة ويكرر 100٪ بتكتشف بعدها انها اسهل مقرر ممكن تاخذه والبركة من دكتورها فوزي سلسلي الله يوفقه
.........
انشاء وتعبير 2 : نفس اللي اخذتوه ف مستوى ثالث فراغات ف القطع وجوانب قواعدية سهلة .. لكن هالمستوى الدكتور الله يسامحه قالنا ف المحاضرة المباشرة 4 ما باجيب ف فراغات القطع حروف جر
وللاسف جابها ف القطعة ع هيئة فراغات حوالي 9 حروف جر .. فياليت تنتبهون لهالنقطة
........
استماع واستيعاب : تخوفنا منها بما ان الدكتور اول سنة له لكن طلعت سهلة جدا اللي هو الجزء الاستماعي وكأن العشرين سؤال للجزء السماعي هدية من الدكتور .. بالرغم ان الطلبة بعضهم استاء منها
لكن من وجهة نظري اسهل من دكتور الترم الماضي ألن .. بقية الاسئلة 30 سؤال كان جزء منها مهارات التحدث وجزء الاخر اللفظ والجزء الاخير قواعد وجميعها سهلة
........
النثر : كان الدكتور جديد اول ترم يدرسه والمقرر دسم من ناحية كثرة القطع وطولها لكن بالمجمل اسئلة الدكتور سهلة الى متوسطة
........
القواعد والمنظومة النحوية : مقرر يعتمد على فهمك للقواعد والدكتور يكرر كثير لكن مع اختلاف ف الامثلة وفهمك للقواعد تخليك سواء كرر او لا تحل بسهولة
.......
مدخل الى اللغويات : من اسوأ المقررات مشاركة مع مبادئ الادارة اللي اخذتوها ف مستوى اول .. دكتور يخلي الاسئلة عبارة عن الغاز تفككها !
ما اعرف ششقول زيادة لكن اللي عنده لغة متقدمة ومذاكر بامتياز يقدر يجيب a+
الله يوفق الجميع .